Accessibility links

чәршәмбе, 7 декабрь 2016, Казан вакыты 19:31

Russiädäge kosmik oçışlarnı idarä itü üzäge Russiäneñ keşesez oça torğan yök taşuçı ğäläm korabı yardämendä Xalıqara Ğäläm Stansiäsen Cir orbitasında yuğarıraq kütärde.


Oçışlarnı idarä itüçelär, Xalıqara Ğäläm Stansiäsenä uzğan atnada totaşqan Prorgress yök korabı yardämendä stansiäne 10 çaqrım yuğaraq kütärdek häm ul xäzer 400 çaqrımlap bieklektä dip belderde. Stansiä cirneñ tartuı näticäsendä härwaqıt aqrınlap tübänräk töşä bara. Häm anı daimi räweştä yuğarıraq kütärep toralar. Çirattağı kütärü mart ayına bilgelängän ide. Anı stansiägä kiläçäk AQŞ ğäläm korabı başqarırğa tieş ide. Ämma 1-nçe fevral’dä Columbiä ğäläm korabınıñ häm andağı 7 astronavtnıñ hälakätennän soñ AQŞ ğäläm agentlığı NASA ğäläm korabları oçışların tuqtattı. Aldağı aylarda stansiägä yaña törkemne häm kiräkle äyberlärne barı tik Russiäneñ keçkenäräk Soyuz häm Progress korabları ğına kiteräçäk. Xäzer stansiädä ike amerikalı ber russiäle astronavt eşli.

XS
SM
MD
LG