Accessibility links

якшәмбе, 11 декабрь 2016, Казан вакыты 09:15

Bötendönya tatar kongressında Başqortstan qunaqları


Bäyräm könnärendä Qazanda Başqortstannan kilgän qunaqlar bar. Kürşe respublikanıñ İleş rayonınnan kilgän 25 keşe, alar arasında tatar uquçıları, studentları häm uqıtuçıları, Tatarstanğa Bötendönya tatar kongressı Başqarma komitetı çaqıruı buyınça kilgän. Alar monda başqalabız belän tanışalar, törle mädäni çaralarda, oçraşularda qatnaşalar. Başqortstan qunaqlarına Qazan kremlen kürsätkännär, alar Ğäliäskär Kamal häm Kärim Tinçurin isemendäge tatar teatrları spektakl’lären qarağannar. Şulay uq, Tatarstanğa kilgän Başqortstan tatarların Qırlayğa alıp barğannar, alarğa Ğabdulla Tuqaynıñ muzeyın kürsätkännär. Çärşämbe, 12 fevral' könne, kürşe respublikadan kilgän tatarlarnıñ delegatsiäsen Bötendönya tatar kongressında qabul itkännär. Oçraşuda kongressnıñ Başqarma komitet räise Rinat Zakirov häm anıñ urınbasarı İlsur Hadiullin qatnaşqan. Şul uq könne töştän soñ Bötendönya tatar kongressında inde traditsion bulğan tatar jurnalistları belän oçraşu da uzdı. Bu oçraşu çit ildäge millättäşlärebez, alarnıñ xälläre, problemalarına bağışlandı. Oçraşuda Törkiädän kilgän qunaq Färit Biçuri da qatnaştı.

XS
SM
MD
LG