Accessibility links

җомга, 9 декабрь 2016, Казан вакыты 04:57

Rifat Fättäxov: «Tatarstan» jurnalın poyezdlarda da uqıp bulaçaq


Qazanda näşer itelüçe häm respublikada şaqtıy abruylı «Tatarstan» jurnalın xäzer öygä yazdırıp yäki kiosktan alıp qına tügel, ä poyezdda barğanda da uqıp bulaçaq. Bu xaqta bezgä jurnalnıñ baş möxärrire Rifat Fättäxov menä närsälär söyläde.

AUDİO: Bez küptän tügel genä Tübän Novgorodtan qayttıq. Anda bez Gor'kiy timer yulı citäkçelege belän söyläşülär alıp bardıq. Alar bik näticäle ütte. Xäzer Tatarstanda formalaşqan poyezdlarda «Tatarstan» jurnalın tarataçaqlar. Bu respublika isemen yörtkän bezneñ jurnal öçen dä, uquçılar öçen dä bik äybät, dip sanıym min.

Şulay uq Rifat äfände xäzerge waqıtta tatar matbuğatınıñ üz uquçıların saqlap qaluda närsä eşlärgä tieşlege turında da üz fikerlären äytte.

AUDİO: Tatar jurnalistlarına, möxärrirlärenä tatar matbuğatın saqlap qalu öçen, üzebezneñ yuğaltqan uquçılarıbıznı kire qaytaru öçen aktivraq eşlärgä, xätta agressiv säyäsät alıp barırğa kiräk. Menä bezneñ jurnal, mäsälän, şuşı nisbättän Rusiäneñ qayber töbäklärendä xäbärçelek üzäklären aça. Şundıy ber üzäk inde Yekaterinburta eşli, tağın ike üzäkne açu turında qarar qabul itelde.

Gölnaz İlgizär, Qazan.

XS
SM
MD
LG