Accessibility links

шимбә, 10 декабрь 2016, Казан вакыты 19:34

BMO inspektorları Ğiraqta ağulı gaznı yuq itä


Ğiraqta tikşerü eşlräre alıp barğan qoral inspektorları bügen ağulı gaz tutırılğan 4 konteiner häm ximik qoral itep qullanıla alğan 10 yädrä tubın yuq itä başladı. 1998 yılda uq yuq itelergä tieş bulğan bu qoral uzğan ylnıñ dikäberendä tabılğan. İnspektorlar äytüençä, alarnı yuq itü öçen 4-5 kön kiräk bulaçaq.

Bügen Bagdadta, Rim papasınıñ maxsus wäkile kardinal Roger Etchegaray, Ğiraq premier-ministrı urınbasarı Tariq Aziz belän oçraştı. Kardinal Ğiraqqa, suğışnı buldırmaw tırışlığı belän kilgän.

Ul arada Ğiraqnıñ yuğarı räsmie Säläm Äl-Qubaissi, Quşma Ştalarnıñ, Osama ben Laden tawışı yzılğan tasma, Bagdadnıñ, teror çeltäre belän bäyle buluwın kürsätä, dip belderüen, Ğiraqqa qarşı suğış başlaw säbäp ezläw dip atadı. Qatarnıñ Äl-Cäzirä televideniese yañğıratqan tasmada Osama ben Laden tawışı belän söylägän keşe, möselmannarnı Ğiraqnı yaqlarğa çaqıra, ğäräp illären Quşma Ştatlarğa yärdäm itmäskä öndi.

XS
SM
MD
LG