Accessibility links

якшәмбе, 4 декабрь 2016, Казан вакыты 21:35

Bordeaux’da Çeçnya suğışına qarşı demonstratsiä ütte


Bügen Fransiäneñ Bordeaux şähärenä Rusiä prezidentı Vladimir Putin kilü uñayınnan, 800-läp keşe Çeçnya suğışına qarşı demonstratsiä uzdırdı. Bordeaux merı, elekke premier Alain Juppe, Putin xörmätenä aş mäclese birgän binağa, demonstrantlarnı ütkärmäs öçen, politsiä anı uratıp aldı. Üzeneñ çığışında Alain Juppe, Çeçnya konfliktına säyäsi çieşeleş tabırğa çaqırdı.

Kiçä, Fransiäneñ TF1 kanalına birgän äñgämäsendä, Putin, Çeçnyada Äl-Qaidä eze buluın belderde. Çeçnyada Äl-Qaidä aqçası häm instruktorları eşli. Çeçen suğışçılarınıñ xalıqara terorçılıq belän bäyle buluın, Fransiä, İtalia, Germaniä häm Britaniäneñ yäşeren xezmätläre rasladı, dide ul.

Bügen Putinnıñ yärdämçese Sergei Yastrjembski, Rusiä xakimiätläre, Çeçen citäkçese Aslan Masxadovnıñ yaña wäkile Salambek Maigov belän elemtägä kerergä cıyımıy, dip belderde. Masxadov belän dä, anıñ wäkilläre belän dä, söyläşülär bulmayaçaq, dide ul.

XS
SM
MD
LG