Accessibility links

шимбә, 10 декабрь 2016, Казан вакыты 08:13

AQŞ däwlät sekretare yardämçese Stephen Rademaker BMO-nıñ Qoralsızlanu forumında citäkçelekneñ çirat buyınça Ğiraqqa tapşırıluı belän kileşep bulmıy dip belderde.


Genevada Qoralsızlanu Konferensiäsendä çığış yasap, Rademaker Ğiraq BMOnıñ tıyılğan qorallarnı beterüne taläp itkän rezolütsiälären ütämi dide. Rademaker ägär dä Konferensiä citäkçelege Ğiraqqa tapşırılsa bu Konferensiäne mısqıllaw bulaçaq dip äytte. Konferensiäne citäkläw äğzalar arasında almaşınıp tora. 17-nçe martta çirat Ğiraqqa kilep citä. Rademaker, şulay uq, AQŞ Ğiraqqa qarata beryaqlı ğına säyäsät alıp bara digän ğäyepläwlärne kire qaqtı. AQŞ wäkile Waşington Ğiraqnı qoralsızlandıru öçen barğan xalıqara tırışlıqlarnıñ umırtqası bulıp tora dide häm AQŞ Ğiraqqa qarşı çaralarnı fikerdäş däwlätlär belän bergäläp oyıştıraçaq dip östäde.

XS
SM
MD
LG