Accessibility links

якшәмбе, 4 декабрь 2016, Казан вакыты 19:33

Rusiä Ğiraq tıyılğan raketalarğa iä digän ğäyepläwlärne kire qaqtı.


Kiçä BMO qoral tikşerüçeläre şurası Ğiraqnıñ Äs-Samoud 2 raketaları BMO rezolütsiälärendä röxsät itelgän 150 çaqrımnan yırağaraq oça dip beldergän ide. Bügen Rusiä tışqı eşlär ministrı urınbasarı Yuriy Fedorov isä, bu raketalar sisteması tıyılmağan häm ul 150 çaqrımlı çikläwdän 10 çaqrım ğına yırağraq oça dide. Fedorov Ğiraq bu turıda BMO İminlek Şurasına tapşırğan qoral programmaları xisabında da beldergän ide di. Bügen Rimda çığış yasap Ğiraq premyer-ministrı urınbasarı Tariq Aziz da bu raketalar BMO qağidälären boza digän ğäyepläwlärne kire qaqtı.

AUDİO: Ğiraqnıñ bik qısqa arağa oça torğan bu raketaları çittän idarä itü sistemasına iä tügel. Häm, idarä itü sistemasına iä bulmağaç, qayçaq raketa 5, yäki 10, yäki 15 çaqrım yırağraq oça. Häm bu bik qurqınıç närsä tügel. Küpertep kürsätergä kiräkmi. Bez haman da BMO bilgelägän qısalardan çıqmıybız.

Ämma Britaniä premyer-ministrı Tony Blair tıyılğan raketalar turındağı bu xisap, ägär dä raslansa, mäğlümätne açu turındağı yöklämälärneñ ütälmäwen häm BMO rezolütsiäläreneñ bozıluın kürsätäçäk dide.

XS
SM
MD
LG