Accessibility links

пәнҗешәмбе, 8 декабрь 2016, Казан вакыты 09:02

14 fevral' - Ğaşiqlar bäyräme


Xäbärlärne säyäsättän dä, iqtisattan da başlıysı kilmi. Çönki 14 fevral' – ğaşiqlar köne. Ä mäxäbbät bar cirdä xislär, şiğerlär tua. Keşe bu dönyağa söyep-söyelep yäşär öçen yaratılğan bit. Nindi genä qırıs zamanı bulmasın – şähär uramnarı buylap tuy maşinaları çabışa. Tatarstan matbuğatı, radio häm televidenie bu könne irkenläp bilgeläp ütälär. Kibetlär-bazarlar keşelär belän tulğan. “Восточный экспресс” gazetası ğaşiqlar köne uñayınnan qısqa ğına fiker beleşü uzdırğan. Qazanlılarnıñ 54% bu bäyrämne güzäl dip bäyälägän. Bäyrämne yaratuçılar arasında xatın-qızlar ike tapqır kübräk bulıp çıqqan. Häm bu añlaşıla da. Här xanımnıñ wä tutaşnıñ yörägendä mäxäbbätkä urın bar.

Şulay da, izge Valentin könendä ber bereñä şikolad käğäzgä töşergän yöräklär büläk itüne yuğarı belemle äfändelär mäğnäsez, buş eş dip qabul itälär. Citmäsä, bezneñ cirlektä anı çit illärdän kergän ğädät dip sanawçılar da bar ikän. Monda da xaqlıq bardır. Läkin ber-bereñne yaratu, ber-bereñä yılmayu, iltifat itü, xet keçkenä genä büläk birü dönyanıñ här poçmağında kürkäm närsä dip qabul iteläder.

XS
SM
MD
LG