Accessibility links

дүшәмбе, 5 декабрь 2016, Казан вакыты 17:44

Pxenyan xalıqara atom agentlığı täqdimenä qarşı


Tönyaq Korea Xalıqara Atom Energetikası Agentlığınıñ Pxenyandağı atom programmaları mäs’äläsen BMO İminlek Şurasına tapşıru täqdimen Tönyaq Koreanıñ eçke eşlärenä tıqşınu dip atap kire qaqtı. Tönyaq Koreanıñ räsmi xäbär agentlığı BMO-nıñ atom agentlığın “Amerika ete” dip atadı. Koreanıñ xäbär agentlığı Pxenyan uzğan ayda Atom qoralların taratmaw turındağı xalıqara kileşüdän çıqqannan birle Xalıqara Atom Energetikası Agentlığı aldında cawaplı tügel dip belderä. Çärşämbe könne Atom agentlığı Tönyaq Koreanıñ atom programmaları mäs'äläsen BMO İminlek Şurasında qarawnı täqdim itkän ide. İminlek Şurası bu mäs'äläne qarap Tönyaq Koreağa qarşı çikläwlär iğlan itärgä mömkin. Pxenyan isä andıy çikläwlär suğış iğlan itügä tiñ bulaçaq dip belderä. Atom agentlığı äytüençä, agetnlıq şurasında äğza bulğan 35 ilneñ berse dä Tönyaq Koreağa qarşı çikläwlärne xuplamıy.

XS
SM
MD
LG