Accessibility links

җомга, 9 декабрь 2016, Казан вакыты 00:58

Yewropa Berlegeneñ Ğiraq krizisına bağışlanğan söyläşüendä äğza bulmağan illär qatnaşmıy


Bügen Fransiä xökümäte wäkile Yewropa Berlegenä quşılırğa çaqırılğan illär düşämbe könne Berlekneñ Ğiraq mäs'äläsenä bağışlanğan sammitında qatnaşmayaçaq dip belderde. Varşavada çığış yasap Fransiäneñ Yewropa eşläre ministrı Noelle Lenoir berlekkä quşılaçaq 10 ilneñ citäkçeläre sammit näticäläre belän ikençe könne tanıştırılaçaq dide. Bu atnada Gretsiä tışqı eşlär ministrlığı wäkile Panos Beglitis Berlekkä quşılaçaq illärneñ citäkçeläre düşämbe könne Sammit qısalarınnan çittä ütäçäk paralel oçraşularda qatnaşırğa çaqırıldı digän ide. Ämma soñraq bu çaqıru, töp iğtibarnı Yewropa Berlegeneñ urtaq tışqı säyäsäten buldıruğa yünältü öçen, qayber äğza illärneñ basımı belän kire alındı. Berlekkä çaqırılğan illärneñ kübese Ğiraqqa qarşı xärbi köç qullanu mäs'äläsendä Quşma Ştatlarnı häm Britaniäne yaqlıy. Berlektäge iñ quätle illär bulğan Fransiä belän Germaniä isä xärbi köç qullanuğa qarşı çığa. Ämma Fransiä wäkile älegä äğza bulmağan illärne qatnaştırmawnıñ säbäbe Ğiraq säyäsätenä bäyle fiker ayırmalıqları tügel dide.

XS
SM
MD
LG