Accessibility links

Кайнар хәбәр

Condoleezza Rice: AQŞ, Ğiraq krizisınıñ diplomatik yul belän çişelüwen, ozaq kötä almıy


Amerikan prezidentınıñ iminlek kiñäşçese Condoleezza Rice, Quşma Ştatlar, Ğiraq tiräsendäge krizisnıñ diplomatik yul belän çişelüwen, ozaq kötä almıy, dip belderde. Anıñ süzlärençä, BMO inspektorlarına kübräk waqıt birü täqdime, Saddamğa basımnıñ kimüwenä kiteräçäk. Amerika telekanalları aşa tapşırılğan çığışında, Rice, Quşma Ştatlar, Ğiraq mäsäläsendä yaña rezolutsiä qabul itterergä tırışaçaq, dip äytte.

Ul arada, Fransiä prezidentı Jacques Chirac, Amerikanıñ Time jurnalına birgän äñgämäsendä, inspektorlarğa kübräk waqıt birergä çaqırdı. Berük waqıtta ul, Saddamnı tınıç yul belän qoralsızlandırıp bulmasa, köç qullanu ixtimalın da, kire qaqmadı.
XS
SM
MD
LG