Ber törkem İran deputatları, tışqı eşlär ministrı Kamal Xarazinı, Ğiraq säyäsäte öçen, wazifasınnan çitlätü eşen başlarğa çaqırdı. Bu täqdimne Mäclestäge 290 deputatnıñ öçtän-bere xuplap çıqtı. Alar äytüençä, Tährannıñ, Ğiraqqa qarata “neytral” säyäsäte, Bagdadnı xuplaw dip qabul itelergä mömkin. Uzğan atna Ğiraq Tışqı eşlär ministrı Naci Sabrinıñ Tähranğa kilüwen iskä alıp, deputatlar, İrannı, Bagdadnıñ yalğan säyäsätendä uyınçıq bulıp qalmasqa çaqırdı.
