Accessibility links

Кайнар хәбәр

Nablusta ike fälestinle üterelde


Jordannıñ könbatış yarında urnaşqan Nablus şähärendä, İsrael xärbiläre häm Fälestin suğışçıları arasında atışular buldı. Näticädä 2 fälestinle xäläk bulğan, 30-dan artığı yaralanğan. Şahitlär äytüençä, İsrael tankları şähärdäge ber binanı uratıp alğaç, 100-gä yaqın Fälestin yäşläre taşlar ata başlağan, şunnan soñ atışular başlanğan. Fälestinneñ İminlek köçläre äytüençä, bu binada Fälestinne Azat itü Oyışması äğzası Täesir Xalidnıñ ofisı bulğan, üze ul qulğa alınğan. İsrael yağı bu xäbärne älegä raslamadı.

2000-nçe yılnıñ sintäberendä intifada başlanğannan birle, barlığı 3 meñgä yaqın keşe xäläk buldı. Alarnıñ kübese fälestinlelär.
XS
SM
MD
LG