Tatarstan matbuğatı respublikanıñ säyäsi statusına qağılışlı bik möhim könne, federal üzäk belän wäqälätlär büleşü turındağı Şartnamägä qul quyılğan könne, 15 fivralne onıttı. Barı tik Watanım Tatarstan häm Şähri Qazan gäzitläre genä 15 fivralgä bağışlap yazmalar bastırdı.
Şähri Qazan gäzitendä parlament xäbärçese Äğzam Fäyzraxmanovnıñ külämle mäqäläse dönya kürde. Tatarstan Federal üzäk belän mönäsäbätlärne Şartnamä yärdämendä cayğa salırğa omtıluçı berençe subyekt ide, - dip başlana anıñ yazması. 90nçı yıllar başında “Tatarstan Rusiä sostavınnan çığarmı?”- digän soraw yış birelde. Ämma respublika citäkçelege suverenlıq Deklaratsiäse qabul itelgändä dä, soñraq ta andıy burıçnı quymadı. Xäyer, geografik yaqtan Rusiäneñ üzägendä bulğan Tatarstan tulısınça möstäqil yäşärgä äzer tügel ide. Kileşep eşlägändä genä uñışqa ireşep bulu - xaqiqät. Şunlıqtan monnan 9 yıl elek qabul itelgän Risiä Federatsiäse häm Tatarstan Respublikası däwlät xakimiätläre organnarı arasında wäqälätlär büleşü turındağı Şartnamägä reviziä yasaw belän waqıtnı uzdırmasqa, anı tögäl ütärgä kiräkter, - dip yaza Äğzam Fäyzraxmanov.
Watanım Tatarstan gäzite räsmi matbuğat dip sanala. Şunı kürä bu gäzitneñ 15 fivralne onıtmawı, tabiği küreneş sıman qabul itelä. Ä başqa gäzitlär, bu datanı iğtibarğa layıq tügel dip sanağan küräseñ. Anıñ qarawı, «Mir» digän yaña zur kibeteneñ açılu waqiğası matbuğatta kiñräk yaqtırtıldı.
Watanım Tatarstan gäzite şartnamägä qul quyğan kön uñayınnan deputat, akademik İndus Tahirov belän äñgämä urnaştırdı.
Bezdä waqiğa niqädär abruylı bulsa, aña mönäsäbät tä şul qädär zurraq bula torğan ide. Üktäber inqilabın här yıl sayın tantanalı räweştä bilgeläp ütä idek. Ä zamanalar üzgärgännän soñ Üktäberğä bäyä birü, aña qarata fiker belderergä teläweçlär bermä-ber kimede. Şartnamä belän dä şundıy uk xäl küzätelä bügen, - dip başlıy çığışın İndus Tahirov.
Xäzergä waqıtta suverenlıqqa, konstitutsiägä höcüm bara di ul. Federal Üzäk Şartnamägä dä üzgäreşlär kertüne taläp itä. Moña basım yasawçılar xäzer inde Tatarstan qaramağında bulğan wäkälätlärgä dä tıqşına başladı, di İndus Tahirov. Xäzerge xälne ul bolay bäyäli:
Çigenülär bula häm alar buldı da. Ber genä ildä, ber genä cirdä dä, berqayçan da çigenülärsez alğa baru bulmadı. Min bügenge xälebezne, çigenülär bulğan täqdirdä dä, saqlanu dip sanıym. Şul uk waqıtta höcümgä küçkän urınnarıbız da bar. Ämma ül höcüm berençe nisbättä aqıl höcüme bulırğa tieş. Bezneñ başqa qoralıbız yuq... Şartnämäne ğämälgä kertkän waqıtta, Rusiä belän söyläşülär alıp baru däwerendä, bez şunıñ belän ottıq. Bügen dä şul kiräk.
Bikä Timerova, Qazan
Şähri Qazan gäzitendä parlament xäbärçese Äğzam Fäyzraxmanovnıñ külämle mäqäläse dönya kürde. Tatarstan Federal üzäk belän mönäsäbätlärne Şartnamä yärdämendä cayğa salırğa omtıluçı berençe subyekt ide, - dip başlana anıñ yazması. 90nçı yıllar başında “Tatarstan Rusiä sostavınnan çığarmı?”- digän soraw yış birelde. Ämma respublika citäkçelege suverenlıq Deklaratsiäse qabul itelgändä dä, soñraq ta andıy burıçnı quymadı. Xäyer, geografik yaqtan Rusiäneñ üzägendä bulğan Tatarstan tulısınça möstäqil yäşärgä äzer tügel ide. Kileşep eşlägändä genä uñışqa ireşep bulu - xaqiqät. Şunlıqtan monnan 9 yıl elek qabul itelgän Risiä Federatsiäse häm Tatarstan Respublikası däwlät xakimiätläre organnarı arasında wäqälätlär büleşü turındağı Şartnamägä reviziä yasaw belän waqıtnı uzdırmasqa, anı tögäl ütärgä kiräkter, - dip yaza Äğzam Fäyzraxmanov.
Watanım Tatarstan gäzite räsmi matbuğat dip sanala. Şunı kürä bu gäzitneñ 15 fivralne onıtmawı, tabiği küreneş sıman qabul itelä. Ä başqa gäzitlär, bu datanı iğtibarğa layıq tügel dip sanağan küräseñ. Anıñ qarawı, «Mir» digän yaña zur kibeteneñ açılu waqiğası matbuğatta kiñräk yaqtırtıldı.
Watanım Tatarstan gäzite şartnamägä qul quyğan kön uñayınnan deputat, akademik İndus Tahirov belän äñgämä urnaştırdı.
Bezdä waqiğa niqädär abruylı bulsa, aña mönäsäbät tä şul qädär zurraq bula torğan ide. Üktäber inqilabın här yıl sayın tantanalı räweştä bilgeläp ütä idek. Ä zamanalar üzgärgännän soñ Üktäberğä bäyä birü, aña qarata fiker belderergä teläweçlär bermä-ber kimede. Şartnamä belän dä şundıy uk xäl küzätelä bügen, - dip başlıy çığışın İndus Tahirov.
Xäzergä waqıtta suverenlıqqa, konstitutsiägä höcüm bara di ul. Federal Üzäk Şartnamägä dä üzgäreşlär kertüne taläp itä. Moña basım yasawçılar xäzer inde Tatarstan qaramağında bulğan wäkälätlärgä dä tıqşına başladı, di İndus Tahirov. Xäzerge xälne ul bolay bäyäli:
Çigenülär bula häm alar buldı da. Ber genä ildä, ber genä cirdä dä, berqayçan da çigenülärsez alğa baru bulmadı. Min bügenge xälebezne, çigenülär bulğan täqdirdä dä, saqlanu dip sanıym. Şul uk waqıtta höcümgä küçkän urınnarıbız da bar. Ämma ül höcüm berençe nisbättä aqıl höcüme bulırğa tieş. Bezneñ başqa qoralıbız yuq... Şartnämäne ğämälgä kertkän waqıtta, Rusiä belän söyläşülär alıp baru däwerendä, bez şunıñ belän ottıq. Bügen dä şul kiräk.
Bikä Timerova, Qazan