Accessibility links

якшәмбе, 4 декабрь 2016, Казан вакыты 09:10

Atna azağında dönyanıñ 600 şährendä buluı mömkin Ğıraq suğışına protest beldergän uram cıyınnarı oyıştırıldı


Atna azağında dönyanıñ 600dan artıq şährendä yaqınça 8million keşe bula alaçaq Ğıraq suğışına protest belderep demonstratsielär ütkärde. Vietnam suğışına qarşı protestlardan soñ dönyada şundıy kiñ külämle uram cıyınnnarınıñ bulğanı yuq ide. Atna azağındağı demonstratsielär, AQŞ belän Yevropa arasındağı upqınnı ğına tügel ä illär , şulayuq idarä itüçelär belän idarä itelgännär arasındağı upqınnı da tiränäytte

İqtibar cälep itkän närsä şul ki, in zur protestlar prezident Bushnıñ Ğıraqnı xärbi köç belän qoralsızlandıru ideasın yaqlauçı citäkçelärneñ illärendä ütte . Atna azağında meñnnärçä, uñmäñnäçä keşe yaña Zelandiedän alıp , Awstralia, Tokyo, İstanbul Kiev, Mäskäü ,London, Madrid , Minsk, Parij, Prag, Rim, Sofia , Warşau Zagreb ,Skandinavya häm Amerikanıñ törle şähärläre şulsanda Hollywoodta suğışqa qarşı protest belderde. Bu uram cıyınnarın törle tınıçlıq törkemnäre oyıştırsa da , aña aktivistlar ğına tügel ä meñnnärçä ğadi keşe dä qatnaştı. İstanbulda ütkän demonstratsiedä protest belderüçelär kürşe möselman ilenä bula alaçaq här törle höcümgä qarşı şiğarlar qıçqırdı Audio Fiker beleşülär töreklärneñ 94%nıñ suğışqa qarşı buluın kürsätä.Törkie parlamentı bu ay azaqlarında amerikan köçläreneñ Törkiedä urnaşuına röxsät birü mäsäläsen tawışqa quyaçaq dip kötelä.Uram cıyınnarına töğäl küpme keşe qatnaştı bilgele tügel.Farazlar törle .Misal öçen Londondağı demonstratsiene oyıştıruçılar ber million yarım keşe qatnaştı dip beldersä, politsie 750meñ di. Niçek kenä bulmasın bu London tarixında elek bulmağan qädär zur cıyın ide. Añı ‘suğışnı tuqtatu koalitsiese’ oyıştırdı ,bu törkemgä pasifistlar, säyäsätçelär, tanılğan şäxeslär, tirä yünne saqlauçılar häm hänär berlekläre kerä. Londonda ber demonstrant (audio) bez amerikan qurçağı bulmasqa tieşbez.Bez moña qarşı bulırğa tieşbez,bu suğışta tik Ğıraq xatın qızları häm balaları ğına cafa küräçäk dip äytte .Britanie xalqınıñ zur öleşe premier T.Blairnıñ Farsı Qultığına 40meñ xärbi cibärüe belän ber dä qänäğät tügel.Fiker beleşülär Britanie xalqınıñ bigräk tä BMOnıñ Ğıraqqa qarşı köç qullanuğa röxsät birgän yaña rezolutsiese bulmıyça suğış başlatuğa qarşı buluın kürsätä.Tik premier T. Blairnıñ pozitsiesen üzgärtäçägen kürsätkän işarälär yuq älegä. İtaliada premier S.Berlusconi AQŞ ve Britanie pozitsiesen yaqlıy. Şimbädä 3million çaması keşeneñ Rimdäge demonstratsiegä qatnaşuın xabär itte anı oyıştıruçılar. İspanyada da xökümät Bushnı yaqlıy, ämma politsie mäğlümätenä qarağanda Barselona, Madrid häm Sevillada atna azağında ber million keşe ğıraq suğışına protest belderde. Premier Howardnıñ Farsı Qultığına 2meñ ğäskär cibärgän Awstraliada zur şähärlärdä 400meñnän artıq keşe uram cıyınnarına qatnaştı. Canberrada xalıq (audio) Ğıraq suğışına yuq! Xärbilärne öygä qaytar! Digän şiğarlar qıçqırdı. Ğıraq krizisın diplomatik yullar belän xäl qılırğa telägän Fransiedä törle şähärlärdä prezident J.Chiraqnıñ suğışqa qarşı pozitsiesen yaqlağan uram cıyınnarında inglizçä yazılğan plakatlar AQŞ xökümätenä kündermä buldı. Fransie premiere şimbädä Fransie dönyağa ömed birä , Fransie tınıçlıqqa şans tanıy dip äytte. Şulayuq xökümätneñ Ğıraq krizisın tınıç yullar belän xäl qılırğa telägän Germaniedä başqala Berlindä genä yartı million keşe suğışqa protest belderde. Amerikanıñ üzendä NYta Bmosı binası yaqın

ında ütkän cıyında tanılğan aktrisa Susan Sarandon xökümät bezneñ borçılularnı çağıldırmıy , suğışqa alternativa bar dip belderde . Hollywoodta meñnärçä demonstrant belän şulayuq aktör Martin Sheen citäkläde. Los Angeles ,Şikago, Seatl , San Fransisko, Kolorado Spring häm başqa urınnarda xökümätneñ Ğıraq säyäsätenä qarşılıq beldergän demonstratsielär bulıp ütte. Bankok , Hong Kong kebek potensial konflittan yıraqta bulğan urınnarda da atna azağında meñnnärçä keşe uram cıyınnarına qatnaştı. Farsı Qultığında urnaşqan Oman başqalası Musqatta yözlärçä xatın qıznıñ qara yaulıqların bolğap uramnan ütüe çınlap ta siräk kürelgän manzara bulğandır. Ämma İzraeldä suğışqa qarşı xäräkät bik az keşene çälep itä.Anda xalıqnıñ zur öleşe AQŞnıñ Ğıraqa höcümen yaqlıy.Atna azağında dönyanıñ 600dan artıq şährendä ütkän suğışqa qarşı cıyınnar prezident Bushnıñ iminlek mäsäläsendäge kiñäşçese C.Riseqa ällä ni täsir itmäde şikelle.Anıñ süzlärençä, demonstratsielär Waşingtonnıñ Bagdadnı qoralsızlandıru tırışlığın ber dä kimetni .Awstralia premire Howard qaraşınça , cämäğätçelek fikeren , protest cıyınnarına qatnaşuçılar sanı belän ülçäp bulmıy .

Färidä Xämit, Praga
XS
SM
MD
LG