Accessibility links

Кайнар хәбәр

Qazanda Zölfiä Kamalovanıñ konsertı uzdı


Ämma bez bu könne ütkärelgän tağın ber çara turında äytäsebez kilä. Qazan milli-mädäni üzägendä 15 fivraldä bik üzençälekle kiçä buldı. Biletlar satılmadı, ämma çaqıru qäğäzläre buyınça kilüçelär dä küp ide. Avstraliädä yäşäwçe millättäşebez Zölfiä Kamalova nihayät, Qazanğa da kilep citte. Tatar mädäniäteneñ häm teleneñ urıslaşıp barğan çağında, bezneñ sänğätebezneñ yıraq illärdä başqa xalıqlar möxitendä yañğırawı bik ğibrätle. Bügen bez barı tik şuşı kiçäneñ berniçä mizgelen genä sezgä işetterergä telibez. Zölfiä Kamalova belän bergä Avstraliädän häm Mäskäwdän kilgän dürt muzıkantnıñ uynawı ğädättäge estrada konsertlarda oçramıy torğan ahäñnärgä bay ide. 11 yıl buyı çit illärdä yörgän Zölfiä bala çağı ütkän Sarapul şähärendä üz ğailäsendä alğan milli ruxnı üzençä añlap, başqalarğa citkerergä tırışa.

Zölfiä Kamalova üzeneñ icatın eksperimental' dip sanıy. Bu çınnan da şulay. Qazanda yäşäwçe muzıka söyuçelär Zölfiä Kamalovanıñ dönyağa çığuı başlana ğına, dip sanıy. Sufiä Ğöbäydullinanıñ avangard muzıkasın tıñlap üz itkän Qazan, Zölfiä Kamalovağa ğına küneger, möğayın. Härxäldä, çittä yörgändä, tuğan ilen genä tügel, ä milli köylären sağınuı, möhacirlektä professional' sänğät belän şöğellänüe ğäcäpländerä häm soqlandıra.

Rimzil Wäli, Qazan
XS
SM
MD
LG