Accessibility links

дүшәмбе, 5 декабрь 2016, Казан вакыты 05:29

Abdulla Gül: Amerikan xärbiläreneñ Törkiädä urnaşu şartları xäl itelmägän


Törkiä premier-ministrı Abdulla Gül, Amerikan xärbiläreneñ Törkiädä urnaşu şartları xäl itelmiçä, Parlament bu mäsäläne xuplamas, dip belderde. Parlament bu mäsäläne tawışqa irtägä quyarğa tieş ide. Quşma Ştatlar, kiçekterü, Ğiraq suğışına äzerlänügä zıyan kiterergä mömkin dip kisätä. Abdulla Gül süzlärençä, Törkiä häm Amerikan räsmiläre, başta säyäsi, iqtisadi häm xärbi mäsälälärne xäl itergä tieş. Törkiäneñ Finans ministrı Yasar Yakiş, Ğiraq suğışınnan kiläçäk zıyannı qaplar öçen, Törkiägä finans yärdäm kiräk bulaçaq, dip belderde.

Kiçä NATO, suğış bula qalsa, Ğiraqnıñ kürşese häm NATO äğzası bulğan Törkiägä yärdäm kürsätü mäsäläsendä, nixayät, kileşügä ireşte. Alay da, qabul itelgän dokumentta, Ğiraq krizisın tınıç yul belän xäl itü tırışçığın däwam itergä kiräk, Törkiägä yärdäm itü suğışqa äzerlänüne añlatmıy, digän süzlär yazıldı.

XS
SM
MD
LG