Accessibility links

дүшәмбе, 5 декабрь 2016, Казан вакыты 11:43

Fransiä citäkçese Jacques Chirac AQŞnıñ Ğıraq pozitsiesen yaqlap çıqqan Yewropa Berlegenä namzät illärne kisken tänqitläp çıqtı.


Düşämbe kiç Fransie prezidentı J.Chiraq AQŞnıñ Ğıraq pozitsiesen yaqlap çıqqan Yevropa Berlegenä kiläse yılda quşılaçaq yaña äğzalarnı häm oyışmağa namzät illärne kisken tänqitläp, başqaları belän kiñäşläşmi, üz başığızğa xäräkät itep, cawapsızlıq kürsättegez dip şeltäläde. Chiraq namzätlär Berlekkä quşılu şansların kimetü öçen monnnan da yaxşıraq yul taba almas ide dip kisätte .

Bilgele Bulğança Yevropa Berlegeneñ 15citäkçese düşämbe kiç berençe märtäbä suğış in sonğı çara bula ala dip belderep,BMOnıñ qoral tikşerüläre bilgesez waqıtqa suzıla almıy dip Ğıraqnı kisätte. Yevropa Berlegendäge kügerçennär häm laçınnar dip yäretelgän ike törkemneñ üzara kompromisqa barıp urtaq tel tabuın uñış dip bäyälärgä kiräk. Ämma press konferensiedä Fransie citäkçese Chiraqnıñ berlekkä keräçäk könçığış yevropa illärenä kisken höcüm itüe iske yevropa belän yaña yevropa arasındağı kierenkelekne açıq itep kürsätte. Bilgele bulğança J.Chiraq Prezident Bushnıñ Ğıraqqa suğış başlatu plannarına qarşı çığa. Berlekkä äğza Britanie,İtalya İspanya, Portugalie AQŞnı yaqlıylar Ütkän ayda Yevropanıñ 8 ile şulsanda berlekkä kandidat Macaristan, Polşa, Cex Respublikası Amerika yaqlı xat iğlan itep Fransie, Germanie kebek illärne şaqqattırdılar. Ul ğına citmäde berniçä könnän soñ könçığış yevropanıñ 10ile Waşingtonnıñ Ğıraqnı suğış belän kisätüen yaqlağan üz xatlarn iğlan itte. Älbättä atlanğan bu adımnar Berlin belän Parijnıñ açuın çığardı. AQŞ saqlanu ministırı Rumsfeldneñ suğışqa qarşı ike ilne ‘iske yevropa’ dip atap, AQŞ yaqlı kandidatlarnı yaña yevropa dip sälämläp qıtğäneñ säyäsi köçe yaña yevropağa şuışa digän süzläre utqa may salu buldı. Düşämbe kiç J.Ciraq cıyınnan soñ ütkärelgän mätbuğat oçraşuında Amerika yaqlı xatqa qul quyğan namzät illärne tänqitläp bolay dide( audio) : minemçä alar uylamıy xäräkät itte, çönki berlekkä kerü başqaları turında uylau, başqaları belän kiñäşläşüne taläp itä.Ägär dä bez berençe qıyınlıqqa duçar bulu belän kerergä telägän oyışmadağı başqaların sanğa sanamıy,üz qaraşlarıbıznı beyan itä başlasaq , bu cawapsız xäräkät bula. Minemçä kandidatlar endäşmi qalu kebek yaxşı forsatnı yuğalttı. Chiraq namzätlärneñ bu pozitsiese berqatlılılq , täcribäsezlek kenä tügel ä qurqınıçlı da dip östäp quydı. Jurnalistnıñ ni öçen sez Britanie, İspanyanı tänqitlämiçä, namzätlärgä bäreläsez digän sorauna , prezident çiratta toruçılarğa qarağanda ğailä äğzalarınıñ xoquqı kübräk digän cavap qaytarğan. Chiraq 2007nçe yılda ğına oyışmağa quşıla alaçaq Rumınie belän Bolğarstannıñ wazğiäte bigräk tä näzberek dip kisätte. Ämma Rumınie prezidentı İ. İliesku Chiraq komentarlarınıñ ähämiäten kimetep bolay dide :(audio) Bez moña şäxsi reaksie dip qaribız, minemçä bez iskese kebek yaxşı duslar bulıp qalabız. Prezident Chiraq Rumınie dusı. Ul yaxşı demokrat. Rumınie belän Fransie arasındağı mönäsbätlär borınğı traditsiegä tayana häm bu nindider mizgeldäge reaksiegä qarağanda möhimräk. Yevropa parlamentınıñ citäkçese Pat Cox süzlärençä(audio), Yevropa Berlegenä äğza däwlätlär Ğıraq,Bmosı häm bu mäsälädä niçäk alğa taba baru kebek eşlärdä üz fikerlären beyan itüdä üzlären tulısınça irekle xis itä. Ni öçen namzät illärneñ başqalarına qarağanda xoququ azıraq bulsın? Bolğarstan tışqı eşlär ministırınıñ urınbasarı L.İvanov Chiraq işarälären kire qaqtı. Premier Gotha isä aña komnetar birergä kiräkmi , ütä reaksie kürsätmäskä ide dip äytte. Polşa tışqı eşlär ministırınıñ urınbasarı Adam Rotfeld Chiraq Polşanıñ tışqı säyäsättäge qararlarına xörmät kürsätergä tieş, Polşa üze öçen döres dip qarağan mäsälälärdä üze qarar birä dip belderde.Berlekneñ älege prezidentı Gretsie premiere sişämbe irtän yevropa parlamentına summit näticäläre turında mäğlümät birde. Deputlar Chiraq komentarların xökem itep çıqtı. Yevropa parlamentınıñ in zur törkeme urta-uñyünäleşle yevropa Xalqı partiäse citäkçese Poettering ,könçığışnı könbatış yevropağa yäki berlekne AQŞqa qarşı qullanu omtılışlarına qarşı çığıp,bez kandidat illärne här waqıtta AQŞ yaqlı buluları öçen qıyulandırabız, çönki tarixi täcribä säbäple alar aşığıç xällärdä AQŞtan kübräk yaqlau küräçäklären xis itälär dip söyläde.

Färidä Xämit ,Praga
XS
SM
MD
LG