Accessibility links

якшәмбе, 11 декабрь 2016, Казан вакыты 01:24

Yevropa Berlegenä nazmät illär, Şiraknıñ süzlären tänqitläsä dä, Berlekneñ Ğiraq mäsäläsendä qararına xuplaw belderde


Fransiä prezidentı Jak Şiraknıñ kiçä, Yevropa Berlege sammitında yasağan belderüenä qarata, bügen tänqit süzlär äytelde. Yevropa Berlegenä namzät bulğan illärne Amerikanıñ Ğiraq säyäsäten xuplap, xat imzalawın, Şirak “cawapsızlıq” dip atadı. Bügen Yevropa Parlamentı prezidentı Pat Cox, namzät illärneñ, Ğiraq mäsäläsendä üz fikeren äytergä xoquqı bar, dip äytte:

Audio: Berlektä äğza bulğan här däwlät Ğiraq mäsäläsendä üz fikeren irekle äytte. Ni öçen äle, namzät-illärneñ xoquqı azraq bulırğa tieş, di Cox.

Britan premier-ministrı Tony Blair da, Ğiraq mäsäläsendä Quşma Ştatlar häm Britaniä yağına basqan Yevropa illären yaqlap, alarnıñ üz qaraşın äytergä xoquqı bar, dip äytte. Rumınia prezidentı İon İliescu, Şiraknıñ süzlären, anıñ şäxsi fikere, dip atadı, häm bu, Ruminia belän Fransiä arasındağı yaxşı mönäsäbätlärgä zıyan itmäs, dip äytte. Amerikanıñ Ğiraq säyäsäten, şulay uq, xuplap çıqqan Polşa Tışqı eşlär miistrı urınbasarı Adam Rotfeld, Şirak, Polşanıñ tışqı säyäsäten dä ixtiram itergä tieş, dide. Ul arada Fransiä Saqlanu ministrı Michel Alliot-Marie bügen Warşawda, Parijnıñ, namzät illärgä qarata tänqit qaraşın däwam itte. Mişel xanım süzlärençä, bu illär, Ğiraq mäsäläsendä Waşington yağına basıp, üzläreneñ Yevropa Berlegenä kerü niäten qurqınıç astına quya.

Kiçä Brusseldä ütkän sammitta, Ğiraqta eşlägän inspektorlarğa kübräk waqıt birergä çaqırğan, belderü qabul itelde. Berük waqıtta belderüdä, bu – Bagdadnıñ, qoralsızlanu öçen, soñğı mömkinlege, digän süzlär bar. Bügen, Berlekkä nazmät bulğan 13 däwlät tä, bu qararğa xuplaw belderde.

XS
SM
MD
LG