Accessibility links

сишәмбе, 6 декабрь 2016, Казан вакыты 17:14

Miñtimer Şäymiev: “Rusiäneñ däwlät tele turındağı qanunnıñ kiärge yuq”


Küptän tügel Rusiä Däwlät Dumasında öçençe uqılışta qabul itelgän Rusiä Federatsiäseneñ “Däwlät tele turında”ğı qanunğa qarata Tatarstan prezidentı Mintimer Şäymiev “İnterfax” agentlığına täfsille kommentariy yasadı. Rus telen räsmi däwlät tele itep yasıy torğan älege qanun turında berniqädär söylägän idek. Qanun şulay uq başqa mäğlümlät çaralarında da tänqit itelde. Mintimer Şäymiev intervyuseneñ başında uq, bu tänqitne başlıça ğädel, dip sanawın belderde. Anıñ fikerençä, qanunnı eşlägändä, deputatlar cämäğätçelekneñ häm tel ğalimnäreneñ fikere belän isäpläşmägännär. “Tel, qanunnarğa bäysez räweştä üsüçe tere äyber ul. Baqsañ, rus tele iske slavyan tele belän çağıştırğanda, niçek tanımaslıq bulıp üzgärde. Äytik, şulay uq, xäzerge tatar tele dä bezneñ borınğı babalarıbız söyläşkän iske tatar telennän ayırıla”, dip añlattı “İnterfax” agentlığına Mintimer Şäymiev. Şulay itep, Tatarstan prezidentı fikerençä, Rusiä Federatsiäseneñ “Däwlät tele turında”ğı qanunnı Rusiä Duması täqdim itkän redaksiädä qabul itü zarurlığı yuq.

XS
SM
MD
LG