Accessibility links

якшәмбе, 11 декабрь 2016, Казан вакыты 14:57

Russiә Yevropa Berlegeneŋ Ğıraqqa qarağan rezolutsiәsen yaqlıy.


Russiә Yevropa Berlegeneŋ , Ğıraq BMOnıŋ qoralsızlanu turındağı talәplәren tulısınça ütәv mәsәlәsendә xezmәttәşlek itmәgәn xәldә, suğış belәn tәvәkkәllek itәçәk digәn deklaratsiәsen xuplap qarşı aldı. Bu xaqta Russiәneŋ tışqı eşlәr ministere Igor Ivanov Yevropa komissiәseneŋ prezidentı Prodi belәn Russiә prezidentı Putin arasındağı sөylәşülәr tәmamlanğannan soŋ belderde.

Russiә tışqı eşlәr ministere Ivanovnıŋ fikerençә, Putin Yevropa Berlegeneŋ Ğıraqqa qarağan belderüen nigezdә uŋay bәyәli.

Audio

Putin Yevropa Berlegeneŋ belderüe turında berençe quldan informatsiә alu maqsәte belәn Prodinı dәğvәt itte hәm anı Mәskәvgә kiterü өçen üzeneŋ mәxsus oçqıçın da cibәrde. Yabıq işeklәr artında ütkәrelgәn oçraşuda qatnaşqan Ivanov Russiәneŋ Ğıraq konfliktındağı pozitsiәse bu mәsәlәdә qarar birü BMOsı Iminlek Şurasınıŋ qulında bulırğa tieş digәn Yevropa Berlegeneŋ pozitsiәsenә yaqın dip belderde hәm tağı bolay dide

Audio

Yevropa Berlegeneŋ belderüendә, tınıç yullar belәn qoralsızlanu өçen bu Ğıraqnıŋ soŋğı mөmkinlege bulıp tora hәm inspektorlarğa küberәk vaqıt birergә kirәk dip tә әytelgәn. Mәskәv anti-terror kөrştә AQŞnıŋ berektәşe bulsa da, ul Washington beryaqlı ğına qarar birmәsen dip tә kisәtә. Russiәneŋ qodrәtle nefte indurtsiәse dә neftegә bay Ğıraqta miliard dolarlıq kontraktın yuğaltırğa telәmi . Kreml dә Ğıraq Russiәgә bulan 8 miliard dolarlıq burıçın tülәsen dip teli. Şulay da Russiә prezidentı Putin barlıq işeklәrne açıq tota. Ul ber yaqtan Germaniә belәn Fransiәgә yasağan vizitları vaqıtında inspektorlarğa küberәk vaqıt birergә kirәk hәm ikençe rezolutsiәneŋ әlegә kirәge yuq dip beldersә dә, Ğıraq massa külәm yuq itü qoralların yuq itmәsә, moŋa ireşü өçen kөç qullanunı yaqlau ixtimallığınıŋ buluın da yәşermi. Qısqası, prezident Putin Russiә өçen suğış faydalı dip tapqan xәldә, Iminlek Şurasında bu xaqtağı rezolutsiәne yaqlayaçaq, tapmağan xәldә, AQŞnı açulandırmas өçen yә tauış birüdәn totlıp qalaçaq yәisә konfrontatsiәdәn qurıqmıyça veto salaçaq. Mәskәvneŋ veto saluı ixtimallığı bik keçenә dip tә әytergә kirәk. Çөnki, ul Washingtonnıŋ qarar birgәn xәldә, Iminlek Şurasınıŋ rezolutsiәse bulmasa da, Ğıraqqa qarşı suğış başlayaçağın belә. Şul sәbәple Mәskәv veto salıp ta abruyın yuğaltu belәn tәvәkkәlek itmәs.

Fәrit Idelle, Praga
XS
SM
MD
LG