Accessibility links

шимбә, 3 декабрь 2016, Казан вакыты 12:41

20 fivraldä yıllıq yullama iğlan iteläçäk. Prezident närsä äyter?


20 fivraldä Däwlät Şurası utırışı bulaçaq. Anda prezident çığış yasap, üzeneñ yıllıq yullamasın uqıyaçaq. Bu yullama 14nçe plenar utırışnıñ kön tärtibendä berençe mäsälä bulıp tora. Mintimer Şäymiev anda närsä äyter, säyäsättä häm iqtisatta nindi üzgäreşlär bulır, monı yullamanı äzerlägän xakimiät oyışmalarında da belmilär. Çönki respublikanıñ eçke häm tışqı tormışına qağılışlı sannar aldan bilgele bulsa, Mintimer Şäymievnıñ teksttan ayırılıp nindi komentariylar birülären Alla ğına belä. Yullamanıñ tekstı cielış başlağan könne irtän, ayırım kitapçıq bulıp deputatlarğa taratılaçaq.

Säyäsi küzätüçelär, prezidenttan Tatarstan parlamentı axırınaça eşläp beteräçäkme, yuqmı, Duma deputatların saylaw Tatarstannıqı belän bergä ütärme, Konstitutsiägä yañadan üzgäreşlär kertelerme häm başqa şundıy aktual sorawlarğa cawaplar kötä. İqtisat belän qızıqsınuçılar, Tatarstan iqtisatına nindi yünäleş bireler, salımnar, aktsizlar mäslägendä üzgäreşlär bulmasmı dip uylana. Xäteregezdä bulsa, uzğan yılda Prezident yullamasınıñ töp fikere – keçe häm urta eşmäkärlekne üsterü ide, annan aldağı yılnı - Yevropa standartların kertügä yöz totqan ide. Bıyılğı yullamanıñ töp fikere nindi bulır, älegä bilgele tügel.

XS
SM
MD
LG