Accessibility links

пәнҗешәмбе, 8 декабрь 2016, Казан вакыты 12:47

Rusiädä 38 milli tel uqıtıla


Şul könne Mäskäwdä, Rusiä xökümäte qarındağı Konsul’tativ Şura utırışı da bulğan. Rusiädäge milli-mädäni avtonomiälär eşlären bağuçı şuşı şura utırışında milli mäsälälär Ministrı Vladimir Zorin, başqa ministrlıqlar wäkilläre, tanılğan ğalimnär qatnaşqan. Utırışnıñ kön tärtibenä 7 mäsälä quyelğan ide. Başta ministr Vladimir Zorin Rusiä Prezidentı Vladimir Putin belän oçraşuı häm Konsul’tativ şuranıñ maqsatları turında çığış yasağan. Utırışnıñ kön tärtibendä öçençe mäsälä itep quyelğan Çeçnä respublikasında referendum ütkärü mäsäläsenä qarata belderü qabul itü iğtibar üzägendä bulır dip kötelsä dä, töp söyläşü – milli azçılıqlarnıñ mäğärife häm anıñ üseşe tiräsendä bardı. Bu soraw Rusiä mäğärif ministrı urınbasarı Batsin äfändeneñ çığışında da, yähüd milli-mädäni avtonomiäse räise Çlenov äfändeneñ notığında da kütärelde. Tatar milli-milli mädäni avtonomiäseneñ citäkçese dä anda milli mäğärifeneñ torışı xaqında söyläde.

Älege cielışta qız1qlı sannar da kiterelgän. Ütkän ğasırnıñ 20nçe yıllarında Rusiädä 104 milli tel uqıtılğan. 70nçe yıllarda alarnıñ sanı 14 qädär kimegän, ä xäzer Rusiädä barlığı 38 milli tel uqıtıla ikän.

XS
SM
MD
LG