Accessibility links

сишәмбе, 6 декабрь 2016, Казан вакыты 15:20

Törkiä, Amerika wäğdä itkän yärdäm belän qänäğät tügel


Quşma Ştatlar, Törkiäne, Amerikan xärbilären Törkiädä urnaştıru mäsäläsendä tiz arada kileşügä ireşergä çaqıra. Amerikanıñ Törkiädäge ilçese Robert Pearson, bügen Törkiäneñ Tışqı eşlär Ministrlığında ütkän söyläşülärdän soñ, waqıt qısa, ike taraf ta, bu mäsälädä qatı eşli, digän süzlär äytte. Ämmä, Törkiäneñ premier-ministr urınbasarı Abdulatif Sener, Quşma Ştatlar, Törkiäneñ taläplären älegä üti almadı, dip belderde. Ğiraqta suğış başlanğan oçraqta, Törkiä, üz iqtisadına kiläçäk zıyannı qaplaw öçen, yärdäm täläp itä.

Ul arada, bügen Brusseldä, NATOnıñ Saqlanu komitetı, Törkiägä AWAC isemle radar-oçqıçlar, Patriot raketatları häm ximik-biologik xöcümgä qarşı eş itä torğan xärbi törkemnär cibärergä qarar itte. Törkiä, NATO äğzası häm berük waqıtta Ğiraqnıñ kürşese bulğan berdän-ber däwlät. Törkiägä, waqıtınnan alda yärdäm kürsätügä qarşı çıqqan Fransiä, Saqlanu komitetında äğza tügel.

XS
SM
MD
LG