Accessibility links

дүшәмбе, 5 декабрь 2016, Казан вакыты 05:41

11 sintäber xöcümnärenä bäyle räweştä berençe xökem çığarıldı


Germaniä mäxkämäse, 11-nçe sintäber xöcümnären oyıştıruçılarğa yärdäm itüdä ğäyeplängän Morocco watandaşı Mönir Äl-Mötäsadiqnı iñ zur caza, 15 yıl törmägä xökem itte. Bu, 11-nçe sintäber xällärenä bäyle berençe xökem buldı, häm ul Germaniädä çığarıldı. Alman prokurorları äytüençä, Mönir, oçqıç urlawlar turında aldan belgän bulğan, häm Äl-Qaidäneñ Hamburg bülege citäkçese Möxämmät Atta’ğa yärdäm kürsätkän. Amerikan räsmiläre äytüenä qarağanda, 2001-nçe yılda New Yorktağı Säwdä üzäge binasına bärelgän oçqıçlarnıñ berençese belän näq menä Atta idarä itkän. Mönirneñ advokatları, ul – möselman qärdäşlärenä barı tik duslarça yärdäm kürsätkän, ä Äfğanstanda ütkän künegülär näticäsendä terorçığa äylänmägän, dip Mönirne yaqlarğa tırıştı. 3 ay barğan mäxkämädä, Mönir, oçqıç urlawçılarnıñ qayberlären belgänen tanısa da, üzenä belderelgän ğäyepläwlärne kire qağıp kilde.

XS
SM
MD
LG