Accessibility links

Кайнар хәбәр

Ärmänstanda ikençe tur prezident saylawları bulaçaq


Kiçä Ärmänstanda ütkän prezident saylawlarında xäzerge prezident Robert Koçarian, qabat saylanır öçen kiräk bulğan 50 protsentqa ireşä almağan, dip xäbär itelä. Üzäk saylaw komissiä räise Artak Sahradian äytüençä, Koçarian, tawışlarnıñ 49.8 protsentın cıyğan. Anıñ töp köndäşe, Xalıq partiäse ciätkçese Stepan Demirçian, 27.7 protsent belän ikençe urında. Şulay itep, alar, köräşne, tağın 2 atnadan, ikençe turda däwam itäçäk. Berençe kilgän xäbärlärdä, Koçariannıñ berençe turda uq ixtimal ciñüwe trurında äytelgän ide. Demirçian, bu näticäne xärämläşü dip atadı, häm üz tarafdarların protest belderergä çaqırdı. Yerevanda, saylaw komissiäse binası yanına Demirçiannıñ meñlägän tarafdarı cıyıldı.
XS
SM
MD
LG