Accessibility links

якшәмбе, 4 декабрь 2016, Казан вакыты 03:04

Törkiä belän Amerikan räsmiläre arasında söylöşülär däwam itä


Ğiraqqa qarşı suğış başlarğa äzerlängän Amerikan xärbiläre Törkiägä kilep urnaşu öşen röxsät kötä. Räsmi Waşington monıñ öçen Ankarağa iqtisadi yärdäm wäğdä itä. Törkiä premier-ministrı Abdulla Gül, bügen Ankarada, ber törkem Amerikan kongressmennarı belän oçraştı. Bu oçraşudan soñ, Gül – “Törkiä belän Quşma Ştatlar mönäsäbätläre bik möhim, üz-ara añlaşu bar, söyläşülär däwam itä, alar betkäç, bez sezgä xäbär iterbez” dip äytte:

Audio

Quşma Ştatlar Törkiägä 6 milliard dollar yärdäm häm tağın 20 millard kredit birergä wäğdä itte. Läkin, kiçä, Törkiäneñ xakimiättäge Ğädellek häm Täräqqiät partiäse citäkçese Recep Tayyip Erdoğan, bu mäsälä Parlamentta tawışqa quyılğançı, Amerikan prezidentı George Buşnıñ yazmaça garantiäse kiräk, dip äytte. Mäsälä tawışqa kiläse atnada quyılır dip kötelä. Törkiäneñ opozitsiä citäkçese Deniz Baykal, üz partiäseneñ moña qarşı tawış biräçägfen belderde.

XS
SM
MD
LG