Accessibility links

җомга, 9 декабрь 2016, Казан вакыты 18:26

21 fivral – xalıqara tuğan tel köne


Dönyaküläm oyışmalar ber genä telneñ yuqqa çığuın zur tragediä dip qabul itälär. Ä çınbarlıqta isä qayber cämğiätlär qabatlanmas mädäni mirasların yuğalta bara. Bügen planetadağı 6 meñ telneñ küpçelegendä söyläşä torğan keşelärne barmaq belän genä sanap bula.

Telne, keşelek dönyasınıñ ayırılğısız ruxi baylığın saqlaw öçen xakimiät tä, cämäğät oyışmaları da, ayırım ğailälär dä bötenesen başqarırğa tieşlär. Läkin yıraqqa kitmiçä dä äytä alabız: tuğan tatar telebez küzgä kürenep, üzeneñ yäşäyeş dairäsen yuğalta bara. Bigräk tä megapolislarda.

Tatarstanda tatar telen saqlaw, yaqlaw, öyränü däwläti däräcädä quyılğan mäsälä bulsa, da tuğan telebezdä söyläşüçelär sanı yıldan yıl azaya. Qazanda tatar yäşlärneñ 70-80% ana telendä söyläşmilär, digän mäğlümat bar. Ä inde Rusiä töbäkläre, çit illär turında äytäse dä yuq. Qısqası, Tuqayğa iärep: yarlıqağıl bezne, tuğan tel, diäse kilä.

Comğa könne Ministrlar Kabinetı qarşında “Tatarstan xalıqları telläre turında”ğı zakonnı ğämälgä aşıru komitetı, Tatarstan kitap näşriäte, “ Mäğärif” näşriäte, Qazan Däwlät Pedagogiä Universitetı “Süzleklärdä – tel xäzinäse” digän fänni cıyılış ütkärde. Anda respublikabızda soñğı un yılda basılıp çıqqan här törle süzleklärdän tözelgän kürgäzmä oyıştırıldı. Älege süzleklärneñ sıyfatı, ähämiäte turında zur söyläşü uzdı.

XS
SM
MD
LG