Accessibility links

Кайнар хәбәр

Xalıqara Atom Energiese Agentlığı citäkçese İran prezidentı belän oçraştı


İran prezidentı Möxämmäd Xatami bugen xalıqara atom agentlığı başlığı Möxämäd ÄlBaradei belän oçraşudan soñ, agentlıqnıñ inspektorları belän tulısınça xezmättäşlek itärgä wäğdä itte. İran däwlät televidiniese Xatamigä tayanıp, İrannıñ atom proyektı tik tınıç iqtisadi häm sivil mäqsatlarnı ğına küz aldında tota dip belderde. Xatami süzlärençä, İrannıñ xalıqara qanun qısalarında atom texnologiesen qullanırğa xoquqı bar . ÄlBaradei üz agentlığınıñ Tehran belän yaqın xezmättäşlektä toraçağın belderde. ÄlBaradei kiçä İranğa kilgännnän soñ şunduq Tehrannan 320çaqırım yıraqtağı Natanzğa – atom qorılmalarına vizit yasadı. Quşma Ştatları İrannıñ energie ixtiacın qaplayaçaq citärlek tabiğıy resursları bar dip belderep, anıñ atom qorılmaları tözüen tänqitli. Waşington bu tözeleşlärdä qoralğa yaraqlı atom materilları eşläp çığaru mömkin di..
XS
SM
MD
LG