Awstralia tışqı eşlär ministırı Alexander Downer bugen Quşma Ştatların Korea yarım utraunda barğan atom krizisın çişü öçen Pxenyang belän turıdan turı söyläşülär başlarğa çaqırdı. Bu atnada Seulğa baraçaq Downer qarşılıqlarnı beterü öçen AQŞ belän Tönyaq Korea arasında söyläşü bulırğa tieş dide. Pxenyang Waşington belän üzeneñ atom ambitsieläre turında turıdan turı dialogqa kergänçegä , Quşma Ştatları belän berberenä höcüm itmäü kileşüen taläp itä. AQŞ Pxenyang belän tik atom programmasın niçek itep tuqtatu turında ğına söyläşü bula ala di. Waşington Tönyaq Koreanı atom qoralları eşläp çığaru mäqsatında yäşren uran bayıtu programması östendä eşläwdä ğäyepli
