Accessibility links

дүшәмбе, 5 декабрь 2016, Казан вакыты 21:36

Yewropa Berlege ministrları Ğiraq, Balkan wä Çeçnä mäs’älälären tikşerä


Brüssel. Yewropa Berlege illäreneñ tışqı eşlär ministrları bügen Brüsseldä açılğan oçraşuda Ğiraq tiräsendäge wäzğiatne, Rusiä belän xezmättäşlekne, Balkandağı xällärne tikşerä. Xäbärçebez mäğlümatına qarağanda, ministrlar, Quşma Ştatlar häm Britaniäneñ bu atnada İminlek Şurasına tädim itärgä cıyınğan, Ğiraq mäs’äläsenä qarağan ikençe qarar ölgesen dä tikşereçäk. Oçraşunıñ ber öleşe könbatış Balkandağı wäzğiatkä bağışlana. Berlektä räislek itkän Gretsiäneñ räsmi wäkilläre häm Yewropa komissiäse ähelläre, äle tışqı eşlär ministrları oçraşuwına qädär Xorvatiä häm Makedoniä wäkillären kürep söyläşte. Makedon tışqı eşlär ministrı bügen Brüsseldä, üz ileneñ şuşı yıl azağına qädär Yewropa Berlegenä kerü üteneçe belän çığaçağın xäbär itte. Xorvatiä monı uzğan comğada eşlägän ide. Brüssel oçraşuwında şulay uq Rusiäneñ, mart ayında Çeçnädä uzaçaq referendumğa küzätüçelär cibärü üteneçe dä qaralır dip kötelä.

XS
SM
MD
LG