Accessibility links

җомга, 9 декабрь 2016, Казан вакыты 10:58

Rusiäneñ İran belän atom ölkäsendäge xezmättäşlege xaqında fiker alışu öçen Mäskäwgä yuğarı däräcäle amerikan wäkile kilde.


Mäskäw. Rusiäneñ atom energiäse ölkäsendä İran belän xezmättäşlege xaqında fiker alışu öçen Mäskäwgä yuğarı däräcäle amerikan wäkile, däwlät sekretare urınbasarı John Bolton kilde. Anıñ şuşı säfäre öç kön däwam itäçäk, ul Rusiä tışqı eşlär ministrınıñ urınbasarı Georgi Mamedov belän inde oçraştı, anıñ atom energiäse ministrı Aleksandr Rumyantsev belän dä küreşüwe qaralğan. Mäğlüm ki, Amerika Quşma Ştatları İrannı xalıqara terrornı yaqlawda ğäyepli häm Rusiädän, anıñ belän atom energiäse ölkäsendäge xezmättäşlegen tuqtatunı teli. Uzğan ayda Mäskäwdäge amerikan ilçese Alexander Vershbow İrannı atom qoralın buldırırğa tırışuda ğäyepläp çıqqan ide. Anıñ fikerençä, Rusiäneñ İranğa tapşırğan texnologiäläre Tähranğa üz atom qoralın eşläp çığaruğa yardäm itä ala. İran isä üz atom programmasın barı tik elektr ixtiacın qaplaw öçen genä täräqqi itüwen belderä.

XS
SM
MD
LG