Accessibility links

дүшәмбе, 5 декабрь 2016, Казан вакыты 17:37

BMO İminlek Şurasına Ğıraq krizisın çişü öçen yasalğan ike qapma qarşılıqlı täqdim turında ı


Düşämbedä BMOsı İminlek Şurasında Ğıraq krizisın çişü öçen berbersenä nıq qapma qarşılıqlı ike täğdim yasaldı. AQŞ,Britanie,İspanyanıñ täqdim itkän rezolutsie proyektında Ğıraq tınıç yullar belän qoralsızlanu şansın yuqqa çığardı, şura köç qullanu mömkinçelege turında uylarğa tieş dip äytelsä, Germanie vä Russieneñ yaqlauı belän Fransie äzerlägän dokument , suğışqa alternativa bularaq inspeksielärne arttırırğa çaqıra.

Ğıraq krizisın xäl qılu yulında BMO İminlek Şurasına ike diplomatik inisiativa täqdim itelde. Berbersenä qapma qarşılıqlı bulğan bu dokumentlar İminlek Şurasındağı kisken fiker ayırmalığın da çağıldıra.Düşämbedä AQŞ,Britanie häm İspanyanıñ bergäläp äzerlägän rezolutsie proyektında bolay dip äytelgän: Ğıraq noyäber rezolutsiesendä birelgän tınıç yullar belän qoralsızlanu şansın yuğalttı,Ğıraq, xalıqara tınıçlıq vä iminlekkä qurqınıç tudıra ,Şura BMOnıñ 7 nomerlı xartiäsenä esasän xäräkät itergä çaqırıla. Bu xartiä köç qullanu turında. Rezolutsie proyektında waqıt bilgelänmägän bulsa da, räsmilär bu turıda mart urtalarında qarar qabul itelergä tieş di. Britanieneñ Dönya oyışmasındağı wäkile J:Greenstock şurada , inspektorlar 15 atna eçendä ber närsäne dä xäl qıla almadı dip äytep inspektorlarnıñ xisabı birelmägän antrax , nerve gazı ximik bombalar mäsäläsen kütärde. Greenstock süzlärençä(audio)

Atmosferanıñ üzgärüe öçen Ğıraqnıñ tämam üzgärüe kiräk,ägär dä bu bulmasa, ber nindi alternativa belän ber närsägä dä ireşä almıyaçaqbız

Düşämbedä Fransie, Germanie häm Russieneñ İminlek Şurasında täqdim itkän memorandumda , Ğıraqnı tınıç yullar belän qoralsızlandıru Şuranıñ prioritetı bulırğa tieş dip äytelä.Dokumentnı Qıtay da yaqlıy.Memorandumda inpeksielär köçländerelergä çaqırıla häm inspeksielär iyülgä qädär däwam itä ala dip äytelgän.Memorandumnı yaqlauçılar yaña rezolutsie kiräksez,1441 nomerlı rezolutsie röxsät itkäneçä , inspeksielär intensiflaştırılırğa tieş dip äytä. Russieneñ BMOdağı wäkile Sergei Lavrov jurnalistlarğa bolay dide (audio)

Bez Ğıraqnı tınıç yullar belän qoralsızlandıru şansı yuğaldı, yuqqa çıqtı dip uylamıybız.Bez kiresençä inspeksielärneñ effektiv buluına häm Ğıraq xalıqara cämäğätçelek taläplärenä häm aña yasalğan basımğa cawap birä dip ışanabız.

9 tawış häm 5 daimi äğzadan veto bulmasa resolutsie proyektı qabul itelä ala,älegä şuranıñ 15 äğzası da inspeksielärneñ däwam itüe yağında. AQŞ,Britanie häm İspanyanı şurada Bolgarstan ğına yaqlıy.Şuranıñ daimi bulmağan 5 äğzası- Angola, Ginea,Kameron Çile häm Meksiko- kiläse könnärdä , proyektnı yaqlauları öçen Waşingtonnıñ qatı basımı astında qalaçaq dip kötergä kiräk.Memorandumda bolay dip äytelgän , inspektorlar martnıñ 1nä qädär Ğıraqnıñ atom, ximik, biologik häm ballistik raketalar programmasınnan qoralsızlanuın tämamlauı öçen ütärgä tieşle wazifları turında xisap birsennär dip sorarğa tieşbez. Dokumentta 1999nçe yılda qabul itelgän 1284 nomerlı rezolutsie kiterelä. Bu rezolutsiedä inspektorlarnıñ berençe xisabınnan soñ , progressnı bilgeläü öçen 120 kön waqıt birä. Bu inde tikşerülär 1-nçe iyülgä qädär däwam itä digän süz bula . Fransie wäkile 1284-nomerlı rezolutsiedä äytelgänçe waqıt birü turında söyläsä dä, Britanie, şulayuq AQŞ wäkile Negroponte memorandumğa tiskere mönäsäbät kürsätep bolay dide (audio)

bez bu dokument Ğıraqnıñ qoralsızlanuına yardäm itä dip ışanmıybız häm aña bik tirän skeptisizm belän qarıybız.

Täqdim itelgän här ike dokument iminlek şurasınnan berdämlek kürsätüne sorasa da, älegä bu yıraq ixtimal . Qıtaynıñ oyışmadağı ilçese Wang Yingfan da ,Pekingneñ Fransie täqdimen yaqlauına basım yasap,şura äğzaları üz aralarındağı fiker ayırmalıqların ciñep çığar digän ömed belderde. Şura rezolutsie proyektın pändeşämbedä tikşerä. Hans Blix şurağa kiläse atnada inspeksielärdäge progress turında üz xisabın biräçäk

Färidä Xämit, Praga
XS
SM
MD
LG