Accessibility links

чәршәмбе, 7 декабрь 2016, Казан вакыты 17:36

3 martta Qazanda narkomaniägä qarşı köräşkä bağışlanğan xalıqara forum açıla


İntertat.ru sişämbe xäbärlärendä Qazanda 3 mart könne narkomaniägä qarşı köräşkä bağışlanğan xalıqara forum açıla, dip xäbär itte. Bu forumğa Amerikadan, Fransiädän, Argentinadan, Şweytsariädän, Ukrainadan, Litvadan häm Rusiäneñ 19 töbägennän 500-läp belgeç, ğalimnär cıyılır, dip farazlana. Öç könlek forumnıñ programmasında öç plenar utırış, dürt seksiälärdä eşläw, ike “tügäräk östäl” häm treniñnar ütkärü qaralğan.

Küptän tügel premyer-ministr urınbasarı, “Tatarstan xatın-qızları” ictimaği oyışması citäkçese Zilä Wälieva narkomaniä problemaları xaqında “Республика Татарстан” gazetasında turında-turı elemtä ütkärgän ide. Mäğlüm ki, Tatarstanda Rusiä töbäklärendä berençelärdän bulıp, narkotiklar taratu häm qullanuğa qarşı toru programması eşlängän ide. Turıdan-turı elemtä waqıtında şundıy programmalar häm alıp barılğan eşlärgä qaramastan, Tatarstanda xäzerge waqıtta räsmi räweştä narkomaniä diagnozı quyılğan 7 meñ keşe bar, dielde. Belgeçlär real' san un tapqır artığraq, dip farazlıylar. Uzğan yıl xatın-qızlar arasında narkotiktan başqa tora almawçılar sanı 30% artqan. Balalar arasında alkogolizm arta. Turı elemtä waqıtında söyläşülär, äñgämälär şunı kürsätä – balaları narkotiklar qullanğanı belengän analarğa berdän-ber yardäm itärlek cir - ul da bulsa, reabilitatsiä üzäkläre. Häm xatın-qızlar şuşı reabilitatsiä üzäkläre tiräsendä berläşälär dä ikän. Turı elemtägä näticä yasap, Zilä Wälieva jurnalistlar yardäme belän narkomaniä problemasına zur iğtibar cälep itelde, dide. Häm bu problema cämğiätne niçek borçığanın, ni däräcädä kisken buluın şuşı söyläşü açıq kürsätte, dide.

XS
SM
MD
LG