Accessibility links

чәршәмбе, 7 декабрь 2016, Казан вакыты 21:24

Britaniä qoralsızlanu mäs’äläsendä Ğiraqtan tulısınça buysınunı taläp itä


London. Britaniä premyer-ministrı Tony Blair, Ğiraq Berläşkän Millätlärneñ qoralsızlanu taläplärenä 100 protsent buysınırğa tieş dip isäpli. Parlamentta yasağan çığışında Blair, Fransiä häm Germaniäneñ, Ğiraqtağı qoral inspektorları eşen däwam itterü täqdime eşlämi, alar detektiv oyışması tügel, Ğiraq xakimiate BMO inspektorları belän xezmättäşlek itmägän xäldä alarnıñ ildä qoral tabuwı ikele dip belderde. “Ğiraq mäydanı yağınnan yaqınça Fransiä yä İspaniägä tiñ il. İnspektorlarnıñ anda, Ğiraq xakimiate yardämennän başqa qorallar häm alarğa bäyle dokumentlar ezenä töşüwe ideyäse safsata” di britan premyer-ministrı. Quşma Ştatlar, Britaniä häm İspaniä kiçä İminlek Şurasına, Ğiraqnı qoralsızlandıru eşendä kiräk ikän xärbi köç qullanunı da röxsät itkän yaña qarar ölgesen täqdim itte. Fransiä häm Germaniä isä, Rusiä wä Qıtay yaqlawı belän, Ğiraqtağı inspektorlarnıñ eşen däwam itüne küzdä totqan täqdimne alğa sörä. Ul arada Mäskäwdä, prezident Putin belän Ğiraq turında söyläşülär ütkärü öçen irtägä qısqa säfär belän Rusiä başqalasına Germaniä kanslerı Gerhard Schroedernıñ kilüwe iğlan itelde. Aq yortnıñ matbuğat wäkile isä bügen, prezident Bush älegä, Ğiraqnıñ tınıç qına qoralsızlanuwına ömeten özmäde, läkin moña xärbi çaralarsız ğına ireşü ixtimalı bik az dip belderde.

XS
SM
MD
LG