Accessibility links

Кайнар хәбәр

Belgrad häm Podgoritsa yaña berlekneñ parlamentına üz wäkillären saylıy


Belgrad. Serbiä häm Çernogoriä parlamentları bügen, şuşı ike respublika qorğan yaña berlekneñ parlamentına üz wäkillären sayladı. Elekke Yugoslaviä urınına töselgän yaña berlek Serbiä häm Çernogoriä dip atala. 126 urınnan torğan yaña parlamentta Çernogoriäneñ 35, ä Serbiäneñ 91 deputatı bulaçaq, ul üz eşen aldağı 5 kön eçendä başlap cibärer dip farazlana. Parlamentnıñ kiläse çaqırılışı isä tağın ike yıldan soñ turıdan-turı saylawlarda bilgelänäçäk. Xäzerge deputatlar şulay itep Belgrad häm Podgoritsadağı parlamentlar tarafınnan ike yıllıq wäkalät belän genä saylana, häm alar Serbiä wä Çernogoriä parlamentlarındağı säyäsi partiälärne wäkillek itä. Deputatlar arasında demokratik köçlärne dä, millätçelärne dä gäwdäländergän şäxeslär bar. Üz eşenä kereşkännän soñ yaña parlament berlekneñ prezidentın häm 5 ministrdan torğan xökümäten saylarğa tieş bulaçaq. Şunnan soñ xäzerge yugoslav prezidentı Vojislav Koştunitsa üz wäkalätlären ütäwne tuqtataçaq.
XS
SM
MD
LG