Accessibility links

сишәмбе, 6 декабрь 2016, Казан вакыты 06:01

Serb millätçese Şeşel üzenä qarşı ğäyepläwlärne kire qağu taläbe belän çığa


Haag. Mäğlüm serb millätçese Vojislav Şeşel bügen, Berläşkän Millätlärneñ elekke yugoslav cirlärendäge suğış cinayätlären qarawçı mäxkämäse qarşına bastı häm anda, üzenä qarşı bulğan ğäyepläwlärne kire qağu taläbe belän çıqtı. Älege mäxkämä, Serbiäneñ Radikal’ partiäsen citäklägän Şeşelne, 90-nçe yıllar başında barğan Balkan suğışları waqıtında Bosniädä, Xorvatiädä häm Serbiäneñ Vojvodina ölkäsendä keşeçelekkä qarşı häm xärbi cinayätlär qıluda ğäyepli. Vojislav Şeşel üze teläp düşämbe irtän Belgradtan Haagqa kilde häm anda Xalıqara Mäxkämä qarşına basarğa buldı. Elekke yugoslav prezidentı, xäzerge waqıtta şulay uq Haagta totılğan Slobodan Miloşeviçneñ berektäşe bulğan şuşı serb millätçese üzenä qarşı bar ğäyepläwlärne dä kire qağa häm mäxkämä barışında yaqlawnı üze alıp baraçağın belderä.

XS
SM
MD
LG