Accessibility links

җомга, 9 декабрь 2016, Казан вакыты 14:43

İzrail premyerı ilneñ yaña tışqı eşlär ministrın bilgeläde


Yerusalim. Älegä qädär İzrailneñ finans ministrı bulıp eşlägän Silvan Şalom ilneñ yaña tışqı eşlär ministrı bulu täqdimen qabul itte. Bu eşne elekke xökümättä başqarğan Benjamin Netanjahuğa premyer-ministr Ariel Şaron finans ministrı urının täqdim itkän ide, läkin Netanjahu monı kire qaqtı häm şulay itep ul yaña xökümättä bulmayaçaq. Yaña tışqı eşlär ministrı premyer Şaronğa tuğrılıqlı keşe sanala, häm bu urınğa Şalomnı bilgeläw İzrailneñ tışqı säyäsätendä zur üzgäreşlär bulmayaçağına işarä itä. Ariel Şaron üzeneñ yaña xökümäten knessetqa, İzrailneñ parlamentına, iñ tize irtägä täqdim itärgä cıyına. Ul citäklägän uñçı Likud partiäse ğinwarnıñ 28-endä uzğan ğomumi saylawlarda ciñep çıqsa da, knessetta küpçelekne qazana almadı. Näticädä Şaron, üz partiäsennän tış Milli Berlek, Milli Dini wä Şinui partiälärennän torğan xökümät berläşmäse tözärgä mäcbür buldı, bergäläşep alar 120 deputattan torğan knessetta 68 urınğa iyä bulaçaq.

XS
SM
MD
LG