Accessibility links

җомга, 2 декабрь 2016, Казан вакыты 23:04

Litwada yaña prezidentnıñ ant kiterü tantanası uzdı


Wilnyus. Soñğı saylawlarda ciñep çıqqan Rolandas Paksas bügen Litwa prezidentı wazifaların ütäwgä kereşte. Ant itü tantanasında yasağan çığışında ul üzeneñ, kiläse yılda Litwanıñ Yewropa Berlegenä quşıluwı maqsatında canlı eşçänlek alıp baraşağın äytte. Şuşı yılnıñ may ayında Yewropa Berlegenä quşılu mäs’äläse referendumğa cığarıla. Litwa Sovetlar Berlegennän bäysez buluwın iğlan itkännän birle Paksas inde ilneñ öçençe prezidentı bulıp tora. Ul uzğan ayda uzğan saylawlarda, elekke prezidentı Valdas Adamkusnı ciñep kötelmägän uñışqa ireşkän ide. Moña qädär küpmeder waqıt Litwa xökümäten citäklägän Paksas däwlät başlığı wazifaların 5 yıl başqaraçaq. Ul Litwa xalqınıñ yäşäw şartların yaxşırtunı, ilne NATO häm Yewropa Berlege belän nığraq berläşterüne wäğdä itä.

XS
SM
MD
LG