Accessibility links

дүшәмбе, 5 декабрь 2016, Казан вакыты 15:39

Keşe xoquqların yaqlawçı törkemnär Üzbäkstandağı matbuğat ireklegeneñ torışına borçılu belderä


Taşkent. Keşe xoquqların yaqlawçı mäğlüm törkem, Human Rights Watch oyışması, Üzbäkstanda küptän tügel genä tağın ber jurnalistnı xökem itü ildä yaña ezärlekläwlär başlanuwın kürsätä dip isäpli. New Yorkta urnaşqan şuşı oyışma Üzbäkstan xakimiatlärennän 61 yäşlek Erğaş Bobocanovnı, anıñ sälämätlege naçarayu säbäple kiçekmästän irekkä çığarunı taläp itä. Ul şuşı ay başında totqarlanğan ide, qulğa alınğannan soñ anıñ sälämätlek xäle kisken naçarayğan, ul bik awır söyläşä dip xäbär itelä. Human Rights Watchnıñ Yewropa häm Üzäk Aziä öçen başqarma mödire Elizabeth Andersen, Bobocanovnı qulğa alu üzbäk xakimiateneñ üzen tänqitläwgä çıdamlıq kürsätmäwen taswirlıy dip belderä. Oppozitsiädäge Berlek xäräkäte äğzası bulğan şuşı jurnalist ilneñ könçığışındağı Firğänä ölkäsendä qulğa alındı, häm ul xakimiat tarafınnan yala yağuda, ülem belän yanawlarda häm däwlät serlären açuda ğäyeplände. Yala yağu ğäyepläwläre anıñ däwlät idaräsendäge rişwätçelek turında yazğan mäqälälärenä bäyle.

XS
SM
MD
LG