Accessibility links

пәнҗешәмбе, 8 декабрь 2016, Казан вакыты 09:02

Möselman xatın-qızlarnıñ mäxkämäläşep yörüenä Alvaro Gil-Robles ğäcäplänü belderde


Tatarstan Yuğarı mäxkämäse 5 mart könne, tağın ber cäncallı eşne qarayaçaq. Ütkän yıldan birle, ber törkem xatın-qızlar, möselmança, başnı qaplap pasport fotoräsemenä töşärgä tıyunı däğwälap, Rusiä Eçke eşlär ministrlığınıñ pasport-viza xezmäte belän mäxkämäläşep yöri. Şuşı ike yaq 5 martqa bilgelängän ciyılışta mäs’äläne tağın ber qat tikşerergä tieş. Hidcap kiep töşkän pasportnı ala almaw däğwäsın 20 gä yaqın möselman xatın-qızı belderep kilsä dä, Gölnur Nurieva, Gelfania Äxmätşina häm Minnisä Muksinova ğına şikäyätneñ Yuğarı mäxkämädä qaraluına ireşä aldı, dip belderde bu xaqta Möselman xatın-qızlar berlege citäkçese Älmira Adiätullina.

Şul arada Tatarstan möselmannarınıñ niçek iza çikkännären Evropa Berlegeneñ Keşe xoquqları komissarı Alvaro Gil-Robles da belep aldı. Şuşı könnärdä Qazan imam möxtäsibe Mansur Cäläletdin komissar belän oçraşıp, anıñ bu mäsäläne xäl itüdä yärdämen soradı. Newsru.com agentlığı beldergänçä, komissar bu problemanıñ ğomumän barlığına ğäcäplänü beldergän. Şul taläpneñ mägnäsezlegenä basım yasarğa teläp ul :«...alaysa xatın-qızlarğa çäç taraşnı üzlätüne tıyarğa kiräk... », - digän belderü yasağan.

XS
SM
MD
LG