Accessibility links

пәнҗешәмбе, 8 декабрь 2016, Казан вакыты 05:12

Şrөderneŋ Mәskәwgә vizitı; Putinneŋ suğışqa qarşı pozitsiәsenә ışanıp bulamı?


Ğıraqqa qarşı kөç qullanırğamı-yuqmı digәn mәsәlәdә ike yaq ta diplomatik aktivlığın arttırdı. Bu mәsәlә kilәse ike atna eçendә açıqlanır dip әytergә bula. Inspektorlarğa küberәk vaqıt birergә kirәk , lәkin, Ğıraq ta alar belәn tulısınça xezmәttәşlek itәrgә tieş digәn pozitsiәdә torğan koalitsiәdәge Germaniә belәn Russiә yaŋa rezolutsiәneŋ kirәge yuq digәn fikerdәlәr. Germaniә kanslerı Şrөderneŋ Mәskәvdә prezident Putin belәn bulğan oçraşudan soŋ bu pozitsiәneŋ üzgәrmәgәn buluı raslandı. Şulay da Mәskәvneŋ Iminlek Şurasında AQŞqa qarşı tauış birüe ikele.

Ğıraq krizisı tirәsendә diplomatik aktivlıq bөten qızulığı belәn dәvam itә. AQŞ, Britaniә hәm Ispaniә tarafınnan tәqdim itelgәn hәm Ğıraqqa qarşı suğış başlauğa yul açaçaq ikençe rezolutsiәneŋ qabul itelü ixtimallığı arta bara. Moŋa çaqlı inspektorlarğa küberәk vaqıt birüne yaqlauçı Iminlek Şurasındağı veto xoquqı bulmağan illәr, şul sanda Pakistan, Meksiko, Angola pozitsiәlәren yomışarttılar. AQŞ belәn mөnәsәbәtlәreneŋ mөhimlege turında sөyli başladılar. Әlbәttә, AQŞ tөrle vәğdәlәr belәn Iminlek Şurasında kirәk bulğan 9 tauış cıyğan xәldә dә, veto xoquqına iә bulğan biş ilneŋ berse rezolutsiәne blokadalıy ala. Andıy illәrneŋ berse Russiә. Germaniә kanslerı Şrөder anti-suğış koalitsiәne nığıtu maqsәte belәn Mәskәvdә buldı hәm prezident Putin belәn oçraştı. Şuşı oçraşudan soŋ, Putin bolay dide

Audio

Germaniә kanslerı Şrөder dә bolay dip belderde.

Audio

"Şuşı protsesta qatnaşqan taraflar yaxşı niәt kürsәtkәn xәldә tınıç yullar belәn xәl çarası tabılır dip өmetlәnәm. Min andıy өmettәn vaz kiçәrgә telәmim."

Russiә, inspektorlarğa iŋ kimendә tağı da 4 ay vaqıt birüne küz aldında totqan Fransiә-Germaniә memorandumın yaqladı hәm Putinneŋ çığışı da monı raslau bulıp tora. Lәkin, Putin ber ük vaqıtta AQŞnı , anıŋ prezidentı Buşnı da açulandırırğa telәmi bulsa kirәk. Ul Buş ta problemmanı tınıç yullar belәn xәl qılırğa tırığa dip әytte.

Audio

Putinneŋ AQŞ belәn yaxşı mөnәsәbәtlәren saqlap qalırğa tırışuın , anıŋ ştab başlığı Aleksander Voloşinne Washingtonğa cibәrüe dә kürsәtә. Küzәtüçelәrneŋ fikerençө, Voloşinneŋ AQŞqa vizitınıŋ maqsәte, Russiәneŋ Iminlek Şurasında AQŞ rezolutsiәsen yaqlauına cavap itep, üzenә konkret nindi fayda kilәcәgen açıqlau bulğan. Putin osta politik uyın uynıy. Ul ber yaqtan Fransiә belәn Germaniәneŋ suğışqa qarşı pozitsiәsen yaqlağan kebek kürenә. Ikençe yaqtan, pozitsiәsen üzgәrtkәn xәldә, monnan konkret fayda kürergü teli. Anıŋ suğışqa qarşı pozitsiәdә toruı әlbәttә, Mәskәneŋ satulaşu pozitsiәsen nığıta. AQŞtan küberәk nәrsә aluına yardәm itә. Kreml, qarar birgәn xәldә AQŞnıŋ Ğıraqqa qarşı suğış başlauın tuqtata almayaçağın belә. Şul sәbәple Russiә Iminlek Şurasında veto xoquqınnan faydalanmayaçaq dip әytergә bula. Ul vaqıtqaça isә, AQŞ belәn üze өçen iŋ faydalı bulğan kileşügә ireşergә tırışa. Şul sәbәple Putinneŋ Şrөder belәn bulğan oçraşudan soŋ, bez problemmanı tınıç yullar belәn xәl qılu pozitsiәbezne üzgәrtmәdek digәn süzlәrenә әllә ni zur әhәmiәt birmәskә, aŋa ul bөgenge kөndәge pozitsiә genә dip qararğa kirәk. Ğıraqqa qarağan ikençe rezolutsiә tauışqa quyılğanda, Kermlneŋ bөtenlәy başqaça cırlauı bik ixtimal.

Fәrit Idelle, Praga
XS
SM
MD
LG