Accessibility links

шимбә, 3 декабрь 2016, Казан вакыты 16:51

Biljana Plavşiç 11 yıl törmägä xökem itelde


Berläşkän Millätlär qarşındağı Suğış cinäyätläre Tribunalı bügen, Bosnia serblarınıñ elekke prezidnetı Biljana Plavşiç’nı 11 yıl törmägä xökem itte. 1992-95-nçe yıllar Bosnia suğışı waqıtında keşeçelekkä qarşı cinäyät qıluda ğäyeplängän Biljana xanım, uzğan yıl, ğäyepläwlärneñ ber öleşen tanığan ide. Prokurorlar aña 15-tän alıp 25 yılğa qädär xökem birergä soradı. Plavşiçnıñ advokatları, 72 yäşendäge xanım öçen bu - ğömerlek xökem bulaçaq, dip, 8 yıldan artıq birmäskä soradı. Läkin xökem çığaruçı xäkim Riçard May, qılınğan cinäyätlärgä kürä, mäxkämä, monnan da yomşağraq xökem çığara almıy, dip belderde:

Audio: Yomşağraq xökem urınsız bulır ide. Meñlägän keşe kürgän ğazaplarnı monda çığarılğan ber genä xökem dä, qaplıy almas ide, di May.

Biljana Plavşiç,10 yıl elek açılğan Haaga mäxkämäse tarafınnan xökem itelgän iñ yuğarı räsmi bulıp tora.

XS
SM
MD
LG