Accessibility links

шимбә, 10 декабрь 2016, Казан вакыты 12:03

Yevropada iminlek häm xezmättäşlek oyışması Ärmäsntanda opozitsiä wäkilläre qulağa alınuğa tänqit belderä


Yevropada İminlek häm Xezmättäşlek oyışması, Ärmäsntanda ütkän prezident saylawları näticälärenä protest beldergän demonstratsiä waqıtında, 100-dän artıq opozitsiä wäkileneñ qulağı alınuwına tänqit belderde. Oyışmanıñ Yerevandağı wäkile Peter Eicher äytüençä, prezident Robert Koçarian’ğa qarşı çıqqan keşelär 15 köngä törmägä utırtılğan, xökem waqıtında alarğa advokat birelmägän. Eicher süzlärençä, demokratik saylawlar waqıtında köç qullanu häm ezärlekläw bulmasqa tieş. Uzğan atna axırında Yerevanda ütkän demonstratsiälärdä yözlägän meñ keşe qatnaştı. Opozitsiä, tawış sanağanda xärämläşü buldı dip belderä, häm Koçariannıñ köndäşe, Stepan Demirçian’nı ciñüçe itep iğlan itergä çaqıra. Räsmi näticälärgä qarağanda, Koçarian 49-yarım protsent cıyğan. İkençe urınnı alğan Demirpian – 28.2. Prezident bulu öçen 50 protsent kiräk. Tawış birüneñ ikençe turı 5 martta ütäçäk.

XS
SM
MD
LG