Accessibility links

җомга, 9 декабрь 2016, Казан вакыты 12:50

Kipr utrawın berläşterü söylüşäläre bara


Bügen Kiprda, utrawnı berläşterü mäsäläsendä 3-yaqlı oçraşu ütte. Anda Kiprnıñ Törek öleşe citäkçese Räüf Denktaş, Grek öleşe citäkçese Tassos Papdopoulos, häm utrawnı berläşterü planın kütärep çıqqan Berläşkän Millätlär Oyışması general sekretare Kofi Annan qatnaştı. Papadopulos süzlärençä, oçraşuda fäqät protsedur mäsälälär tikşerelgän, citdi närsälär quzğatılmağan. Elegräk, taraflarğa, plan belän kileşü öçen bu comğağa qädär waqıt birelgän ide. Läkin düşämbedä Annan, bu waqıt ber atnağa ozaytılırğa mömkin, dip äytte. İrtägä söyläşülär däwam itäçäk. Berläşkän Millätlär, Kiprnıñ kiläse yılda Yevropa Berlegenä quşıluwı aldınan, utrawnı berläşterergä çaqıra. Bügen, ikegä bülengän başqala, Nicosiä’dä, 70 meñ çaması törek BMO planın xuplap demonstratsiä ütkärde.

XS
SM
MD
LG