Accessibility links

шимбә, 3 декабрь 2016, Казан вакыты 05:41

Mäskäwdäge qarşılıq çaralarında Tatarstannan altı keşe qatnaşa


Şulay itep, Tatarstanda uqıtuçılar, tabiplar qarşılıq aksiälärendä qatnaşmadılar, uramnarğa çıqmadılar. Küptän tügel ber populyar gäzit yazıp çıqqança, bezneñ xalıq aşarına bäräñgese-ipie bulsa, tormıştan zarlanmıy, äybät yäşibez, di. Gärçä Tatarstanda da büdjet sisteması xezmätkärläreneñ, uqıtuçılarnıñ, tabiplarnıñ xäle şul ğomümrusiädäge kebek oçın-oçqa yalğap barırlıq bulsa da. Şulay da, pänceşämbe könne hönärlilär berlegeneñ matbuğat üzäge “respublika büdjetçıları öç könlek ğomümrusiä qarşılıq aksiälärendä qatnaşmasalar da, Tatarstannıñ barlıq mäğärif, sälämätlek saqlaw häm mädäniät kollektivlarında bötenrusiä aksiäsendä qatnaşuçılarnı xuplap, cıyılışlar ütkärelde, imzalar cıyıldı”, dip xäbär itte. Bu kollektivlarnıñ 6 keşelek delegatsiäse Mäskäwgä kitkän. Alar hönärlilär berlegeneñ 28 fivraldä Mäskäwdä xökümät yortı qarşında böten xalıq cıyını aldında ütkäreläçäk matbuğat oçraşuında qatnaşaçaqlar. Biredä süz büdjet ölkäse xezmätkärlärenä xezmät xaqı sistemasın reformalağanda, däwlät garantiäse statusın saqlap qalu turında baraçaq. Ä inde xezmät xaqına yäşäwçelärneñ tormış däräcäse turında närsä söyläner, älegä bilgesez. Härxäldä, şuşı qarşılıq aksiäse aldınnan tormış däräcäseneñ iñ möhim kürsätkeçe, keşe ğömere ozınlığı turında respublika mäğlümat çaralarında da süz şaqtıy quyırdı.

XS
SM
MD
LG