Accessibility links

шимбә, 3 декабрь 2016, Казан вакыты 12:42

BMO İminlek Şurasında Ğıraq turında berbersenä qapma qarşılıqlı ike dokument tikşerelä


Bilgele bulğança BMO İminlek Şurasında Ğıraq turında berbersenä qapma qarşılıqlı ike inisiativa tikşerelä. AQŞ belän Britanie Ğıraq xezmättäşlek itüen kürsätü şansın yuğalttı dip Şura äğzaların ışandırırğa tırışqanda, Fransie, Russie häm Germanie moñı qatıraq inspeksie rejimı ğına isbatlıy ala dip belderä. Şuranıñ daimi bulmağan äğzaları fiker ayırmalıqların keçeräytü öçen tırışa.

İminlek Şurasınıñ töp äğzaları berbersenä qarşı pozitsiedä torğanda, daimi bulmağan ike äğza Çili belän Meksika Ğıraq krizisı mäsäläsendä körçekkä terälgän xäldän çığu häm Şuranıñ legitimlığın saqlap qalu öçen eşçänlek alıp barabız dip äytä.Atnakiçtä şura atna başında täqdim itelgän iki qapma qarşılıqlı inisiativanı yabıq işeklär artında tikşerä başladı. Çili ilçese Gabriel Valdes Ğıraqnı qoralsızlandıru mäsäläsendä urtaq tel tabu öçen 15 äğza aldında çığış yasağan. Soñraq ul jurnalistlarğa 5 daimi äğzanıñ bögülüçän bulmawına şiqäyät beldergän. Valdes süzlärençä (audio)

Bülängän şura ,çınbarlıqta qarar çığarunı saylanğan äğzalar cilkäsenä yökli.Daimi äğzalar qaraşların yaqınlaştıru öçen tırışlıq kürsätmi , üz pozitsielärenä yäbeşep yata

Pändeşämbedä Şurada tikşerelä başlanğan AQŞ,Britanie häm İspanya tarafınnan äzerlängän rezolutsie proyektında Ğıraq qoralsızlanu turındağı yöklämälären ütämägän öçen 1441 nomerlı rezolutsiedä äytelgäne kebek ciddi näticälär aldında tora dip kisätelgän. AQŞ citäklägän koalitsie köçläreneñ sanı Farsı Qultığında artıp barğanda, rezolutsie proyektınıñ ximäyäçeläre Şura mart urtasına qädär qarar çığarsın dip taläp itä. Şurada tikşerelgän Fransie, Russie vä Germanie inisiativasında , İminlek Şurası köçländerelgän inspeksielär aşa Ğıraqnıñ qoralsızlanuın yaqlarğa çaqırıla. Russie tışqı eşlär ministırı İ.İvanov Pekingdä Mäskäü, turıdan turı yäki başqaça Ğıraq suğışna säbäp bulaçaq BMOsı rezolutsiesen yaqlamayaçaq dip äytte. İvanov , Mäskäü İminlek Şurasında ‘ xalıqara totrıqlılıqnı’ saqlap qalu öçen veto xoquqın qullanaçaq dip äytsä dä, ul Ğıraqnı ayrım telgä almadı. Şurada näticäsez söyläşülärdän soñ , Çile häm Meksika ilçeläre bez Ğıraqnı niçek itep qoralsızlandıru turındağı fiker ayırmalıqların kimetü öçen tırışabız didelär.İnspeksielärneñ däwam itüen yaqlauçı illär ilçeläre pat wazğiätennän çığu öçen Kanadanıñ kompromis täqdimen qullanunı ömed itä.Älegä Şurada söyläşelmägän Kanada täğdime Ğıraqnıñ qoralsızlanudağı xezmätäşlege turında xisab birü öçen inspektorlarğa waqıt grafikası bilgelärgä çaqıra. Häm 28nçe martta sonğı xisab birelergä tieş , şunnan soñ 31nçe martta Şura, Ğıraq yöklämälären ütägänme yuqmı digän mäsäläne tawışqa quya. Quşma Ştatları rezolutsie proyektın yaqlasınnar dip şuranıñ 6 äğzası ,şulsanda Çili vä Meksikağa qatı basım yasıy.4il alarnıñ öçese rezolutsiene täğdim itüçelär plus Bolgarstan proyektnı yaqlıy. Anıñ qabul itelüe öçen 9 tawış kiräk. Britanie ilçese J.Greenstock jurnalistlarğa bolay dip äytkän (audio)

Älege şartlarda inspektorlar qarşılıq kürsätkän Ğıraqnı qoralsızlandıra almıy.Ğıraq xezmätäşlek itmäsä , inspeksielärneñ kiläçäge yuq. Şuranıñ qayber äğzalarına monıñ ni öçen şulay bulaçağın kürsätü zarur.

Ğıraq BMO inspektorlarına Hans Blix quşqanıça üzeneñ Al Samud 2 raketaların ‘ prinsıpta’ cimerergä riza buluın belderde. İminlek Şurası äğzaları bu taläpne ütäü Ğıraq öçen töp sınau bulaçaq dip qarıy. Blix küptän tügel genä Ğıraqnıñ töp mäsälälärdäge xezmätäşlege çiklängän bulıp qala birä digän ide. Fransie vä Geramnie ilçeläre İminlek Şurası äğzalarınıñ küpçelege krizisnı tınıç yullar belän çişergä teli .Fransie ilçese, başqa mömkinçelek tä bar- inspeksielärne köçländerü, qalğan qoralsızlanu mäsälälärenä açıqlıq kertü häm inspektorlar öçen waqıt bilgeläü dip söyläde. Quşma Ştatları täqdim itkän rezolutsie proyektı 2 atnadan soñ ğına tawışqa quyılır dip kötelä. İminlek Şurasında 9 äğzanıñ qabul itüe öçen intensiv kampanie bara.

Färidä Xämit, Praga
XS
SM
MD
LG