İgor İvanov: Rusiä veto xoquqın qullanırğa mömkin

Bügen Pekinda, Rusiä Tışqı eşlär ministrı İgor İvanov, Mäskäw, Ğiraqqa qarşı köç qullanuğa yul açqan rezolutsiäne xuplamayaçaq, dip belderde. İvanov süzlärençä, Rusiä, dönyada totrıqlılıq buldıru öçen, üzeneñ İminlek Şurasında veto xoquqın qulanırğa mömkin:

Audio

Xäzer İminlek Şurası, Britania, İspaniä häm Quşma Ştatlar täqdim itkän yaña rezolutsiä ölgesen tikşerä. Anda, Ğiraq üz ixtiarı belän qoralsızlanu mömkinlegen ıçqındırdı, digän süzlär bar. Bu rezolutsiä Ğiraqta xärbi kampaniä başlaw öçen fatixa bulır dip kötelä.