Accessibility links

якшәмбе, 4 декабрь 2016, Казан вакыты 09:20

İspaniä häm Britaniä Fälestin däwläten tözü mäsäläsendä söyläşülär başlarğa çaqıra


İspaniä häm Britaniä premier-ministrları, Jose Maria Aznar häm Tony Blair, Fälestin däwläten tözü maqsatı belän, Yaqın Könçığışta solıx urnaştıru söyläşülären yañartu telägen belderde. Bügen Madridta ütkän matbuğat oçraşuında, Blair, İsrael belän yänäşä Fälestin däwläten tözü – iñ döres çişeleş bulaçaq, dip äytte:

Audio: Britaniä belän İspaniä, Yaqın könçığışta solıx söyläşülären yañartu mäsäläsendä ber fikerdä, di Blair. Bu fikerne bar dönya urtaqlaşa, iminlege tä’min itelgän İsrael belän Fälestin däwläte yänäşä yäşärgä tieş.

Monıñ aldınnan ğına İsrael parlamentı bügen ilneñ yaña xökümäten rasladı. Anda Fälestin däwläten tözügä qarşı çıqqan köçlär dä bar. Äytik, 4 partiädän torğan koalitsiä äğzası, Milli Berdämlek partiäse, Fälestinlelärne Jordannıñ könbatış yarınnan quarğa, häm bu cirlärne İsraelgä quşarğa çaqıra. Bügenge parlament utırışında, İsrael premier-ministrı Ariel Şaron, solıx söyläşülären başlağançı, Fälestinlelär teror ğämällären tuqtatırğa, häm tirän reformalar başlarğa tieş, dip äytte. Fälestin däwlätenä kilgändä, bu mäsälä waqıtı citkäç tikşereler, dide ul.

XS
SM
MD
LG