Accessibility links

“Toraq-kommunal tarmaqta barğan reforma -- dörli başlağan uçaq”


“Efir” telekanalı pänceşämbe kiç Qazan şähäre xakimiäte başlığı Kamil İsxakov belän çirattağı turıdan-turı elemtäsen uzdırdı. Jurnalist belän söyläşüneñ töp teması - toraq-kommunal' tarmaqta uza torğan şok terapiäsen xäterlätkän reforma buldı. Şähär başlığı tamaşaçılarnı tınıçlandırırğa tırışıp, subsidiälär turında söyläde. Tapşıru waqıtında barğan interaktiv fiker öyränü dä fatir öçen tüläwlärneñ artıq baruı iñ borçığan mäs'älä ikänen açıq kürsätte. Uramda interv'yu birgän keşelär bertawıştan şıqsız podyezdlar, eşlämägän liftlar, kanalizatsiä turında zarlandı. Poçta ärcälärennän çığarğan kvitansiälärne uqıp qazanlılarnıñ kübese şok kiçergän. Nıq byurokratlıştırılgan subsidiä alu yulların taptarğa cıyınuçılar äle küp tügel. Comğa könne “Вечерняя Казань” gazetası fatir öçen ozaq waqıt tülämägän qazanlı Räşit Ğarifovnı mäxkämä qararı nigezendä öç bülmäle fatirdan ber bülmälegä küçerüne tänqitläp çıqtı. Çönki Räşit Garifov toraq-kommunal' tarmaqta barğan un yıllıq üzgärtülär, başbaştaqlıq arqasında susız, kanalizatsiäsez yäşärgä mäcbür bulğan. Şuña protest yözennän fatir öçen tülämägän.

Ber-işe keşelär mondıy reformanı dörli başlağan uçaq belän çağıştıra. Ä inde vlast' tağın bu mäsäläne bäya kütärügä genä qaytarıp qaldırsa, monı inde utqa kerosin sibü, dip äytergä bula.
XS
SM
MD
LG